00:52 20 Жьҭаара 2017
Аҟәа+ 12°C
Ишиашоу ицо аефир
Аҳәынҭқарратә культуратә ҵараиурҭа 60 шықәса ахыҵит

Аҳәынҭқарратә культуратә ҵараиурҭа 60 шықәса ахыҵит

© Sputnik / Томас Тхайцук
Аԥсны
Икьаҿу ахьарԥш аиура
2 0 0

Рашәара 14 рзы Аҟәа, Аҳәынҭқарратә филармониа аҟны имҩаԥгахеит Аҳәынҭқарратә культуратә ҵараиурҭа 60 шықәса ахыҵра иазку аиубилеитә хәылԥазы.

АҞӘА, рашәарамза 15 – Sputnik, Роберт Џьопуа. Рашәара 14 рзы Аҟәа, Ражьден Гәмба ихьӡ зху Аҳәынҭқарратә филармониа аҟны имҩаԥгахеит Аҳәынҭқарратә культуратә ҵараиурҭа 60 шықәса ахыҵра иазку астудентцәеи аушьҭымҭацәеи злахәыз аиубилеитә хәылԥазы.

"Аконцерт иалахәын жәлар ринструментқәа рансамбль, инагӡан аԥсуа, аиталиа, аиспан уҳәа ажәларқәа рыкәашарақәа. Иара убасгьы иара иалахәын ансамбль "Шьараҭын", авокал-инструменталтә ансамбль "Гунда", Оҭар Хәнҵариа ихьӡ зху жәлар ринструментқәа рансамбль, ахәыҷтәы балеттә школ", — лҳәоит Аҳәынҭқарратә культуратә ҵараиурҭа аиҳабы Сира Аҩӡԥҳа.

Аҵараиурҭаҿ аҵара рҵоит 400-ҩык рҟынӡа астудентцәа. Урҭ аус рыдырулоит аԥышәа змоу арҵаҩцәа.

"32-ҩык арҵаҩцәа ҳамоуп. Урҭ дарбанызаалак рус иазҟазоуп. Аколлектив ҭаацәак реиԥш иҟоуп. Акультуратә ҵараиурҭа аҿы аус зуа арҵаҩцәа рыжәҩахыр еибыҭаны аҿар рааӡара иаҿуп. Усеиԥш акәымзар, иҟаларын иахьатәи аконцертгьы ҟамлар", — лҳәеит лара.

Аҵараиурҭа аҭоурых дуӡӡа змоу культуратә хәышҭаароуп. Еиуеиԥшым аҭоурыхтә аамҭақәа ахыганы аҵараиурҭа амҩа изну аҽарҭбаауеит. Акультуратә ҵараиурҭаҿы иаартуп ҩ-ҟәшак – ахореографиатә ҟәшеи, жәлар рмузыка аҟәшеи.

Ихадоу атемақәа