09:10 14 Ԥхынҷкәын 2017
Ишиашоу ицо аефир
Ричард Чкадуа ишәҟәы Чан

Чкадуа Искандер ипремиа аиуразы ашорт-лист дахьанылаз далацәажәоит

© Sputnik. Зафас Гамгия
Аԥсны
Икьаҿу ахьарԥш аиура
6 0 0

Ричард Чкадуа ишәҟәы "Чан" (Аиаҳәа) Фазиль Искандер ипремиа аиуразы ашорт-лист ианылеит. Урыстәылатәи ПЕН-центр аҩашаҽны апремиа аиуразы иқәгылоу ршорт-лист рыланаҳәеит.

АҞӘА, рашәарамза 15 – Sputnik, Бадраҟ Аҩӡба. Уҿаԥхьа ахықәкы ргыланы, аха уанӡа сзынаӡом ҳәа агәаанагара амазаара уи ҳәарада мцҳәароуп. Ашәара ҳәарада аҭыԥ аман, избанзар Искандер ипремиа аиура акырӡа аҵанакуеит иҳәеит Sputnik акорреспондент дзыҿцәажәоз ашәҟәыҩҩы Ричард Чкадуа.

Апрофессионалтә шәҟәыҩҩцәа рывагылара акыр иуадаҩуп, аха анцәа иџьшьарала шорт-лист аҟынӡа снаӡеит, ҳәа азгәеиҭеит ашәҟәыҩҩы. 

"Ашорт-лист ианылаз ашәҟәыҩҩцәа зегьы ҳаамҭазтәи ашәҟәыҩҩцәа дуқәа ҳәа иԥхьаӡоуп. Аинтерес змоу арҿиамҭақәа рымоуп. Урҭ рҟынтә аԥхьараз зыԥшаара уадаҩугьы ыҟоуп", — иҳәеит Ричард Чкадуа.

Ричард Чкадуа еиԥш Фазиль Искандер ипремиа аиура рҽазыршәон: Игор Хәарцкьиа ("Дом на окраине"), Витали Шариа ("Букет Абхазии"). Аха арҭ аусумҭақәа ашорт-лист ианымлеит.

Фазиль Искандер ихьӡ зху апремиа шьаҭанаркит Урыстәылатәи ПЕН-центр. Аусумҭақәа рыдкылара хацыркын ԥхынҷкәын 1 2016 шықәса рзы.

Ихадоу атемақәа