13:33 27 Рашәара 2017
Аҟәа+ 27°C
Ишиашоу ицо аефир
Ԥсоу-Аҟәа амҩа

Ԥсоу-Аҟәа амҩаду аҟны аҵаргәа-ҭыӡқәа жәба ргылахоит

© Sputnik / Томас Тхайцук
Аԥсны
Икьаҿу ахьарԥш аиура
2520

Аҳәынҭеилакы "Аԥсныавтомҩа" адиректор хада Борис Ачба Sputnik иазеиҭеиҳәеит Аԥсныи Урыстәылеи рыбжьара асоциал-економикатә усеицураз Аиҳабырабжьаратә комиссиа 15-тәи аилатәара атәы.

АҞӘА, рашәара 15 – Sputnik, Бадраҟ Аҩӡба. 2017 шықәса рзы Ԥсоу-Аҟәа амҩаду аҟны аҵаргәа-ҭыӡқәа жәба ргылахоит, иҳәеит Sputnik аинтервиу азҭаз Аҳәынҭеилакы "Аԥсныавтомҩа" адиректор хада Борис Ачба.

Борис Ачба иажәақәа рыла, иахьазы ахархәара змоу аҵыргәа-ҭӡамцқәа XX ашәышықәа, 60-тәи ашықәсқәа раан иргылан. Абри аамҭақәа рзы урҭ аремонт рзырымуцт.

"2017 шықәса рзы Гагра араион аҟни Гәдоуҭа араион аҟни, Аҟәа араион аҟни иҳаргылараны ҳаҟоуп хԥа-хԥа ҵыргәа. Зынӡа – жәба. Иааидкыланы аҵыргәа-ҭӡамцқәа рзы иаҳзоужьуп 108 миллион мааҭ", — иҳәеит иара.

Аԥсни Урыстәылеи рыбжьара асоциал-економикатә усеицураз Аиҳабырабжьаратә комиссиа аӡбрала 2017 шықәса рзы амҩақәа рыҟаҵара иазоужьуп 193 миллион мааҭ иҳәеит Ачба.

"2018 шықәса рзы иаҳзоужьуп 179 миллион мааҭ, 2019 шықәса рзы — 53 миллион мааҭ", — иҳәеит Ачба.

Сынтәазы иазоужьу аԥарақәа рыла имҩаԥгахоит ареспублика ақалақьқәеи ақыҭақәеи рымҩақәа.

Аҟәа ақалақь аҿы иазыԥхьагәаҭоуп Адыгаа рымҩа аиҭашьақәыргылара, акаҭран ақәҵара.

Аҟәа араион аҿы Гәмаа рымҩеи Каманҟа узго амҩеи аремонт рзухоит. Иара убасгьы еиҭашьақәыргылахоит Агәбедиа ақыҭантәи амҩа иҳәеит Ачба.

2017 шықәса рзы Аԥсны асоциал-економикатә ҿиараз иазоужьхоит 2,5 миллиард мааҭ.

Ихадоу атемақәа