17:33 18 Нанҳәа 2017
Аҟәа+ 30°C
Ишиашоу ицо аефир
Аԥснытәи ашахматасыҩцәа Черногориа ачемпионат аҟны қәҿиарала иқәгылоит

Аԥснытәи ашахматасыҩцәа Черногориа ачемпионат аҟны қәҿиарала иқәгылоит

© Sputnik / Томас Тхайцук
Аԥсны
Икьаҿу ахьарԥш аиура
3 0 0

Аԥснытәи ашахматист ҿарацәа алахәуп ашколхәыҷқәа рыбжьара Европа ачемпионат. Ачемпионат мҩаԥысуеит Черногориа, рашәара 10 - 19 рзы.

АҞӘА, рашәарамза 16 — Sputnik, Амра Амҷԥҳа. Иахьатәи аамҭазы аԥсуа шахматистцәа 50% очкоқәа рымоуп, иҳәеит арадио Sputnik аинтервиу аҭо Аԥсны ашахмат азы Афедерациа апрезидент Константин Ҭыжәба.

Будва ақалақь аҿы имҩаԥысуа Европа ачемпионат ахь Аԥснынтәи ицеит 7 шықәса инаркны 20 шықәсанӡа зхыҵуа хҩык ашахматистцәа.

"Ԥшьба рҟынтәи ҩ-очкок имоуп Даниил Ҳалбад. Иара убриаҟара имоуп Аинар Хәырхәмал. Очкок имоуп 12-шықәса зхыҵуа Тристан Кәарацхьиа", — иҳәеит Ҭыжәба.

Ҭыжәба иажәақәа рыла, ачемпионат иалахәуп Испаниа, Польша, Албаниа, Сербиа, Азербаиџьан, Урыстәыла рҟынтәи аспортсменцәа ҿарацәа.

Аԥсны ашахмат азы Афедерациа апрезидент Константин Ҭыжәба иазгәеиҭеит, Черногориаҟа ҳаспортсменцәа ҿарацәа рцара шалшаз Аԥсны абаҩрҵәыреи аспорти рзы Аҳәынҭеилаки Аҟәа ақалақь Ахадара аҿари аспорти рзы аилаки рыцхыраарала.

Ихадоу атемақәа