12:12 19 Жьҭаара 2017
Аҟәа+ 14°C
Ишиашоу ицо аефир
Примадонны аспектакль

"Примадонны" РУСДРАМ аҭааҩцәа аршанхеит

© Sputnik / Илона Хварцкия
Аԥсны
Икьаҿу ахьарԥш аиура
18 0 0

РУСДРАМ аҿы аспектакль "Примадонны" ықәиргылеит арежиссиор Сергеи Ефремов.

АҞӘА, рашәара 16– Sputnik, Бадраҟ Аҩӡба. Аспектакль "Примадонны" апремиера мҩаԥысит Фазиль Искандер ихьӡ зху Аурыс драматә театр аҟны аԥшьаша, рашәара 15 рзы.

Арахь иааиит шәҩыла ақалақь ауааԥсыра, атеатр абзиабаҩцәа. Зегь азыԥшын иҿыцу акы, изыргәырӷьаша.

Аспектакль иалагаанӡа атеатр афоие аҟны инеиааиуази акаҳуа инахәо итәази дара-дара еизҵаауан "Аинтерес зҵоу, узырччаша спектакльуп рҳәоит. Ус акәушь?" ҳәа.

Аспектакль асценари ала ҩыџьа актиорцәа еилыркаауеит амал змоу ԥҳәыск лаҳәшьаԥҳацәа рыԥшаара дшашьҭоу. Урҭи лареи акыр шықәса раԥхьа еицәыӡит, уажәы илҭахуп лмал зегь рзынлыжьырц. Абри атәы заҳаз актиорцәа (Џьамбул Жорданиеи Рубен Депелиани) ԥҳәысмаҭәала рҽеилаҳәан аҭакәажә илызнеиуеит лаҳәшьаԥҳацәа ракәушәа.

Аспектакль аепизодқәа ахәаԥшыҩцәа гәахәарыла, ччарыла ирԥылон. Ахәаԥшцәа агәахәара ду рнаҭеит иара аспектакль еиԥш актиорцәа рыхәмаррагьы.

Афотосахьақәа шәрыхәаԥшыр ҟалоит абра>>

"Ҳара ҳзы асеиԥш иҟоу аспектакльқәа – акомедиақәа маҷуп. Урҭ ирылдыршоит уԥсгара, аҽакала укәша-мыкәша иҟоу адкылара" — лҳәеит ахәаԥшыҩцәа руаӡәк.

Спектакль Примадонны в РУСДРАМе
© Sputnik / Илона Хварцкия
Спектакль "Примадонны" в РУСДРАМе

"Примадонны" уарччоит, уаргәырӷьоит, арежессура аума, ахәмарра аума – зегьы ухырхуеит" — ҳәа Facebook адаҟьаҟны иҩуеит Аԥсны Акультура аминистр лхаҭыԥуаҩ Баҭал Кобахьиа.

Атеатр адиректор хада Иракли Хынҭәба ҭабуп ҳәа реиҳәеит аспектакль ақәыргылара знапы алакыз зегьы.

"Примадонны" — ҩ-сааҭк ирҭарыгӡаз насыԥуп", — иҳәеит Хынҭәба.

Аспектакль "Примадонны" апремиера мҩаԥысит Фазиль Искандер ихьӡ зху Аурыс драматә театр аҟны аԥшьаша, рашәара 15 рзы.

Спектакль Примадонны в РУСДРАМе
© Sputnik / Илона Хварцкия
Спектакль "Примадонны" в РУСДРАМе

Ихадоу атемақәа

  • Администрация г.Сухум.

    Аҟәа аинвистициатә паспорт азырхиара шықәсык инарзынаԥшуа иаҿын иҳәеит Аҧснытәи аҳәынҭқарратә телерадио Еилахәыра апресс-центр аҿы имҩаҧигаз апресс-конференциаҟны Аҟәа ақалақь ахада ихаҭыҧуаҩ Леон Кәарҷиа.

    0
  • Русско-абхазский словарь.

    Аԥсуа бызшәаҿы 20 дырга иреиҵам змоу ажәа аԥшаара дшаҿыз ажәараҟны, иахьа ахархәара змам ажәақәа шалылԥшааз, атәы дазааҭгылоит ажурналист Елеонора Коӷониаԥҳа.

    8
  • Изготовление сыра

    Аԥсуа чысқәа ачаҩыри аҭубари рҭоурыхи, рыҟаҵашьеи дазааҭгылоит Sputnik аналитик Нонна Ҭхәазԥҳа. Арҭ ачысқәа рыҟаҵашьа атәы еиҭарҳәеит Ҭхәазаа ирымоу Арышԥҳа Ҭали, Шьынқәыраа ирымоу Бигәааԥҳа Мзиана.

    126