04:29 13 Ԥхынҷкәын 2017
Ишиашоу ицо аефир
аҳамса

Роман Дбар: аҳамса амаҷра зыхҟьаз - иара рацәаны иахьыркуа ауп

© Sputnik. Роберт Джопуа
Аԥсны
Икьаҿу ахьарԥш аиура
1 0 0

Аԥсны Анаукақәа ракадемиа аекологиа Аинститут адиректор Роман Дбар Sputnik иазеиҭеиҳәеит сынтәа аҳамса амаҷра зыхҟьаз.

АҞӘА, рашәарамза 16 – Sputnik, Бадраҟ Аҩӡба. Аԥсны Анаукақәа ракадемиа аекологиа Аинститут адиректор Роман Дбар Sputnik иазеиҭеиҳәеит сынтәа аҳамса амаҷра зыхҟьаз. Иара иажәақәа рыла аҳамса ркуеит Амшын еиқәа иаԥну атәылақәа жәпакы.

"Аҳамса ркуеит Амшын еиқәа иаԥну атәылақәа жәпакы. Аха зегь раасҭа аҭырқәа флот ауп изкуа. Аҵыхәтәантәи ажәашықәса уи еиҳамхозар еиҵахом. Уи аҳамса амаҷрахь икылнагеит. Ҳара абри атәы уажәакәым иаҳҳәоижьҭеи. Аха Амшын еиқәа иаԥну атәылақәа рыбжьара аҳамса акразы аквотақәа зышьақәымгылеит", — иҳәоит иара.

Аԥсыӡ аиҳарак иркуеит Ҭырқәтәыла, Қырҭтәыла, Аԥсны, Ҟрым, иара убасгьы Тҟаԥс, Анапа рымшынхәҭақәа рҟны иҳәеит Дбар.

"Абри апроцесс алахәылацәа зегьы неидтәаланы иаку еиқәышаҳаҭрак рыдыркылоит ҳәа узҳәом. Доусы иара ишиҭаху ишьақәиргылоит аԥсыӡ акра", — иҳәоит Дбар.

Абри ауп изыхҟьаз аԥсыӡ ахыԥхьаӡара амаҷхара ҳәа азгәеиҭоит ареспублика аеколог хада.

"Ҳәарада аԥсабаратә мзызқәагьы аҭыԥ рымоуп. Сынтәа аԥсыӡ Аԥсны аԥшаҳәахьы амааира аӡын бааԥс иахҟьеит", — иҳәоит Роман Дбар.

Иара ииашам ҳәа ахиҳәаауеит аҳамса амаҷхара зыхҟьаз Ҟрымтәи ацҳа аргылароуп ҳәа ирҳәо.

"Акыршықәса ҵуеит азовтәи аԥсыӡ Аԥсныҟа имаауеижьҭеи. Уи арахь ианаауа аӡынра цәгьақәа аҭыԥаҿ ианыҟалало ауп. Ҳара ҳахь аиҳарак иаауа амшынеиқәатә ҳамсоуп. Уи Ҭырқәтәылантәи аӡынԥхьара Аԥсныҟа иаауеит", — ҳәа азгәеиҭоит Дбар.

Иҟоу аҭагылазаашьа рҽеишьас ҳәа аеколог иаман иибо Амшын еиқәаҟны аҳамса зкуа атәылақәа аԥсыӡ акразы алимит шьақәдыргылароуп. Аԥсны 2017 шықәсазы иркраны иҟаз 40 нызқь тонна рҟынтәи уажәтәи аамҭазы иркхьо 10 нызқь тонна заҵәык ауп.

Ихадоу атемақәа