18:54 20 Жьҭаара 2017
Аҟәа+ 19°C
Ишиашоу ицо аефир
Аԥснытәи абоксиорцәа Шәачантәи аиааирақәа рыманы иааит

Аԥснытәи абоксиорцәа Шәачантәи аиааирақәа рыманы иааит

© Sputnik. Роберт Джопуа
Аԥсны
Икьаҿу ахьарԥш аиура
7 0 0

Асовет Еидгыла Афырхаҵа Мартирос Нагулиан ихьӡ зху абокс азы атурнир мҩаԥысит Шәача ақалақь аҟны.

АҞӘА, рашәарамза 19 – Sputnik, Бадраҟ Аҩӡба. 35 Аԥснытәи аспортсменцәа алахәын Асовет Еидгыла Афырхаҵа Мартирос Нагулиан ихьӡ зху абокс азы атурнир. Атурнир мҩаԥысит Шәача ақалақь аҟны. Аԥснытәи аспортсменцәа рҟынтәи 11-ҩык актәи аҭыԥқәа ааныркылеит, ҳәа Sputnik акорреспондент изеиҭеиҳәеит Аԥсны абокс азы Афедерациа апрезидент Алик Карди оглы.

"Зынӡа атурнир иалахәын ҩышә-ҩык аспортсменцәа қәыԥшцәа. Ҳара ҳаспортсменцәа даара рхы бзианы иаадырԥшит. Актәи аҭыԥ еиԥш аҩбатәи ахԥатәи аҭыԥқәагьы ааныркылеит", — иҳәеит иара.

Актәи аҭыԥқәа ааныркылеит: Алис Леиба, Леван Агрба, Данил Мерцхәлаа, Мелена Кәыҵниаԥҳа, Аршак Аршакиан, Ашот Джидариан, Сарби Джанба, Армен Чалукиан, Нестор Джанба, Давид Трапизониан, Саир Каҷараа.

Аԥсны абокс азы Афедерациа апрезидент Алик Карди оглы иажәақәа рыла Аԥснытәи аспортсменцәа есышықәса абри атурнир иалахәуп. Еснагьгьы даара ибзианы рхы аадырԥшуеит.

Мартирос Нагулиан Шәачатәын. Аџьынџьтәылатә еибашьра Ду аан дԥырҩын. Данҭаха ашьҭахь Асовет еидгыла Афырхаҵа ҳәа ахьӡ ихҵахеит

Ихадоу атемақәа