03:24 12 Ԥхынҷкәын 2017
Ишиашоу ицо аефир
Агәыҳалалра ақәҵарҭа - зылшара маҷу рзы ацхыраара Аҟәа иаатит

"Агәыҳалалра ақәҵарҭа" - зылшара маҷу рзы ацхыраара Аҟәа иаатит

© Sputnik. Бадрак Авидзба
Аԥсны
Икьаҿу ахьарԥш аиура
"Аԥсны Агәыҳалалра Ацҳаражәҳәаҩцәа" (24)
14 0 0

"Агәыҳалалра ақәҵарҭа" – агәыҳалаллратә еиҿкаара "Послы доброй воли Абхазии" раԥхьатәи проектуп. Иара иазыԥхьагәанаҭоит ареспублика адәқьан дуқәа рҟны ақәҵарҭақәа рыргылара.

АҞӘА, рашәара 19 – Sputnik, Бадраҟ Аҩӡба. Ахәаахәҭратә комплекс "Сухум-маркет" аҟны рашәарамза жәибжь рзы иаадыртит ақәҵарҭа "Агәыҳалалра ақәҵарҭа".

"Ҳара иахьа абри апроект хацҳаркит. Дарбанызаалак атәанчаҩы, ахшара рацәа ран мамзаргьы аахәара злымшо ауаҩы иоуеит алшара ақәҵарҭаҟны днеины ииҭаху игар", — лҳәеит аиҿкаара алахәыла Камма Гоԥиаԥҳа.

Лара иазгәалҭеит агәыҳалалратә еиҿкаара алахәылацәа Аԥсны атәылауаа акциа рхы аладырхәып ҳәа ишгәыӷуа.

"Ҳгәыӷуеит ауаа ҳакциа рхы аладырхәып ҳәа. Ҳәарада ҳара ҳаиҿкаарагьы ақәҵарҭа ҭацәымзарц азы аамҭа-аамҭала ихаҳарҭәаалашт", — лҳәеит лара.

Иара убасгьы "Полка добра" аартра азыԥхьагәаҭоуп Очамчыра, Тҟәарчал, Гал.

Акциа аартра иалахәын аиҿкаара алахәылацәа: Адәныҟатәи аусқәа рминистр ихаҭыԥуаҩ Кан Ҭания, авокалтә шоу алахәыла Валериа Адлеиаԥҳа, ауаажәларратә еиҿкаара "Кьараз" анапхгаҩы Камма Гоԥиаԥҳа, аҵарауаҩ қәыԥш Едгар Ӷәазаа.

Агәыҳалалратә еиҿкаара "Послы доброй воли Абхазии" аԥырҵеит Москва инхо аԥсуа диаспора.

Рашәара 5 рзы Москва имҩаԥысит аиҿкаара ашьаҭаркратә еизара. Иара мҩаԥысуан Жәларбжьаратәи аинформациатә маҵзура "Россия сегодня" апресс-центр аҟны.

Атемақәа:
"Аԥсны Агәыҳалалра Ацҳаражәҳәаҩцәа" (24)

Ихадоу атемақәа