12:20 19 Жьҭаара 2017
Аҟәа+ 14°C
Ишиашоу ицо аефир
Аԥсны Ахада Рауль Ҳаџьымба

Ҳаџьымба: иарбанызаалак рыцҳашьарак ҟаҵатәым

© Sputnik / Томас Тхайцук
Аԥсны
Икьаҿу ахьарԥш аиура
35 0 0

Аԥсны Ахада Рауль Ҳаџьымба рашәарамза 19 рзы амчратә усҳәарҭақәа рнапхгаҩцәа алархәны аилацәажәара мҩаԥигеит.

АҞӘА, рашәара 19 – Sputnik. Алада Ешыра ақыҭан аҭыԥ змаз зықәра намӡац аӡӷаб лцәа аԥҽреи Џьӷамазиа А.Р. лышьреи инарымаданы имҩаԥгатәуп иобиективу ашьаусҭҵаара, иҳәеит Аԥсны Ахада Рауль Ҳаџьымба рашәара 19 рзы амчратә усҳәарҭақәа рнаԥхгаҩцәа алархәны имҩаԥигаз аилацәажәараҟны.

"Иарбанызаалак ԥсыҽрак ҟаҵатәым. Иҟалаз риашашьагь амам. Ашьаусҭҵаара мҩаԥгатәуп ишахәҭоу еиԥш ииашаны, азакәан шьаҭа аҭаны. Аӡәгьы игәы иаанамгааит ара аӡәы дҳахьчар ҳҭахушәа. Иарбанызаалак аӡәгьы ацәгьа ҟазҵаз ианажьра игәы иҭам. Ацәгьоура ҟалеит. Ацәгьа зуз ихәҭа дақәыршәатәуп", — иҳәеит Ҳаџьымба.

Аилацәажәара иалахәын: Аԥсны Апрокурор хада Зураб Ачба, Аҩныҵҟатәи аусқәа рминистр аамҭала инапынҵақәа назыгӡо Нугзар Ҳагәышь, Ашәарҭадаратә маҵзура ахантәаҩы Зураб Марганиа.

Урҭ атәыла Ахада изеиҭарҳәеит аҵыхәтәантәи аамҭазы аҭыԥ змаз ацәгьоурақәа рыҭҵаара аус амҩаԥысшьа.

"Рашәара 17 асааҭ 21:00 рзы Аҟәа араион Баслаҭа ақыҭан, Школьнаиа амҩаҿ игылоу аҩны №12 аҿаԥхьа, амҩаҿ ирбеит 1994 шықәса рзы ииз Анжела Џьӷамазиа лыԥсыбаҩ. Аӡӷаб илеихсны дшьын. Лара илоуз ахәрақәа ирыхҟьаны аҭыԥ аҿы дыԥсит", — ҳәа аҳәоит Апрокуратура хада аофициалтә дырраҭара.

Ашьаусҭҵаара хацыркуп. Имҩаԥысуеит ауснагӡатәқәа Роберт Џьӷамазиа дахьыҟоу аилкаарази иҭакрази.

Уаанӡа, Аҟәа араион апрокуратура ашьаус хацнаркит Асҭамыр Севериан-иԥа Џьапуа иганахьала, аҵыхәтәантәи рашәара 11 — 12 ауха зықәра намӡац аӡӷаб лцәа ԥиҽит ҳәа агәаанагара ахьыҟаз инамаданы.

Астамыр Севериан-иԥач Џьапуа рашәарамза 17 2017 шықәса рзы Аԥсны Ашәарҭадаратә маҵзурахьы иҽриҭеит. Рашәара 13 2017 шықәса рзы аӡӷаб лан иҟалҵаз арзаҳал ашьаҭала ихацыркын ашьаус. Лара лажәақәа рыла Асҭамыр Џьапуа ижәны дыҟан. Абџьар ихы иархәаны 2003 шықәса рзы ииз аӡӷаб аҩны ддәылганы дигеи, лцәагьы ԥиҽит.

Ихадоу атемақәа

  • Администрация г.Сухум.

    Аҟәа аинвистициатә паспорт азырхиара шықәсык инарзынаԥшуа иаҿын иҳәеит Аҧснытәи аҳәынҭқарратә телерадио Еилахәыра апресс-центр аҿы имҩаҧигаз апресс-конференциаҟны Аҟәа ақалақь ахада ихаҭыҧуаҩ Леон Кәарҷиа.

    0
  • Русско-абхазский словарь.

    Аԥсуа бызшәаҿы 20 дырга иреиҵам змоу ажәа аԥшаара дшаҿыз ажәараҟны, иахьа ахархәара змам ажәақәа шалылԥшааз, атәы дазааҭгылоит ажурналист Елеонора Коӷониаԥҳа.

    8
  • Изготовление сыра

    Аԥсуа чысқәа ачаҩыри аҭубари рҭоурыхи, рыҟаҵашьеи дазааҭгылоит Sputnik аналитик Нонна Ҭхәазԥҳа. Арҭ ачысқәа рыҟаҵашьа атәы еиҭарҳәеит Ҭхәазаа ирымоу Арышԥҳа Ҭали, Шьынқәыраа ирымоу Бигәааԥҳа Мзиана.

    126