14:46 23 Жьҭаара 2017
Аҟәа+ 18°C
Ишиашоу ицо аефир
Санель Ажьиԥҳа

Санель Ажьиԥҳа аҳақьымцәа шақәгәыӷуаз аасҭа лоперациа маншәалан имҩаԥысит

© Sputnik / Томас Тхайцук
Аԥсны
Икьаҿу ахьарԥш аиура
Ҳаидгыланы аԥсҭазаара еиқәҳархап (34)
17 0 0

Санель Ажьиԥҳа, Москва, амедицинатә наукақәа рдоктор, апрофессор, аҳақьым-анеирохирург Евалдас Чeснулис аоперациа лзыҟаиҵеит.

АҞӘА, ԥхынгәы 11 – Sputnik, Анжелика Бениаԥҳа. Санель Ажьиԥҳа аҳақьымцәа шақәгәыӷуаз аасҭа лоперациа маншәалан имҩаԥысит ҳәа Sputnik акорреспондент илзеиҭалҳәеит Санель лан, Милана Лагизова.

"Санель уажәазы лыԥсҭазаара шәарҭа амам. Аҳақьым Евалдас Чеснулис иҳаиҳәеит аоперациа дшақәгәыӷуаз аасҭагьы еиӷьны имҩаԥысит ҳәа. Уажәы ҳазыԥшуп лыԥҟарсҭа аӷьара", — лҳәоит Милана Лагизова.

Лара лажәақәа рыла Санель аоперациа ашьҭахь 10-мш рҟынӡа ахәышәтәырҭа дҭахоит. Нас иазыԥхьагәаҭоуп аҽа операциакгьы. Уи Санкт-Петербург имҩаԥыргараны иҟоуп – лыжәтәахы ҭадыртәоит.

Санель лчымазара – мальформациа Арнольда-Киари-II анаҩсгьы имаҷымкәа лыԥсҭазаара иаԥырхагахар ауаз ачымазарақәа лыциит. Лара лыбӷа ашша лыбӷа агәыцә иадҷаблан иҟан, иара уи лынкьапышҭа иақәыӷәӷәон. Уи иахҟьаны лҷаҷақәа чуан, лшора халон.

Санель лыхәышәтәразы еизган миллионки 240 нызқь мааҭ аԥара.

Атемақәа:
Ҳаидгыланы аԥсҭазаара еиқәҳархап (34)

Ихадоу атемақәа