04:47 24 Абҵара 2017
Ишиашоу ицо аефир
Агәыҳалалра Ацҳаражәҳәаҩцәа Гагра амҩатә ԥынгылақәа шьҭарҵеит

"Агәыҳалалра Ацҳаражәҳәаҩцәа" Гагра амҩатә ԥынгылақәа шьҭарҵеит

Фото предоставлено Дауром Барганджия
Аԥсны
Икьаҿу ахьарԥш аиура
"Аԥсны Агәыҳалалра Ацҳаражәҳәаҩцәа" (23)
21 0 0

Агәыҳалалратә еиҿкаара "Агәыҳалалра Ацҳаражәҳәаҩцәа" аԥҵоуп Москва, аԥсуа диаспора раԥшьгарала. Иара имҩаԥнагалоит агуманитартә проектқәа.

АҞӘА, ԥхынгәы 17– Sputnik, Амра Амҷԥҳа. Агәыҳалалратә еиҿкаара "Агәыҳалалра Ацҳаражәҳәаҩцәа" аԥшьгарала Гагра амҩатә ԥынгылақәа (лежачие полицейские-аред.) шьҭаҵоуп.

Аиҿкаара анагӡаратә директор Даур Барганџьиа иҳәеит аԥынгылақәа шышьҭарҵаз х-ҭыԥк рҟны – абжьаратә школ №2 аҿаԥхьа, аангыларҭа "Павильони", ахәаахәҭратә центри "Континент" рҿаԥхьа.

"Ари амҩатә шәарҭадара иадҳәалоу раԥхьатәи ҳакциоуп. Хықәкны иҳамоу амҩаҿ ашәарҭадара аиҿкаароуп. Ҳара ҳахь аҳәара ҟарҵеит Гагра ақалақь автоинспекциа аусбарҭа. Дара иҳарҳәеит амҩақәа рҿы ишазымхо "лежачие полицеиские" ҳәа изышьҭо аԥынгылақәа", —иҳәеит Барганџьиа.

Аԥынгылақәа рышьҭаҵара ацеремониа иалахәын: Кан Ҭаниа, Денис Царгәыш, Дмитри Ӷәазаа.

Даур Барганџьиа иҳәеит, акциа амҩаԥгараан Гагра ақалақь Автоинспекциа аиҳабы Ҳаџьараҭ Бганбеи дареи аинырра бзиа рыманы аус шыруаз.

Агәыҳалалратә еиҿкаара "Агәыҳалалра Ацҳаражәҳәаҩцәа" аԥҵоуп Москва, аԥсуа диаспора раԥшьгарала. Иара имҩаԥнагалоит агуманитартә проектқәа.

Аиҿкаара иалахәуп: адипломат Кан Ҭаниа, авокалтә проект "Ты супер" иаиааиз Валериа Адлеиаԥҳа, аҵарауаҩ қәыԥш Едгар Ӷәазаа, актриса Марина Александрова, адизаинер Расида Лакоба, актиор Егор Бероев иара иԥшәмаԥҳәыс Ксениа Алфиорова уҳәа егьырҭгьы.

Атемақәа:
"Аԥсны Агәыҳалалра Ацҳаражәҳәаҩцәа" (23)

Ихадоу атемақәа