22:12 20 Нанҳәа 2017
Аҟәа+ 27°C
Ишиашоу ицо аефир
Аслана Џьынџьалԥҳа еиҭа ацхыраара лҭахуп

Аслана Џьынџьалԥҳа еиҭа ацхыраара лҭахуп

© Sputnik. Роберт Джопуа
Аԥсны
Икьаҿу ахьарԥш аиура
Ҳаидгыланы аԥсҭазаара еиқәҳархап (31)
9 0 0

Агәыҳалалратә фонд "Ашана" иаанартит Аслана Џьынџьалԥҳа лоперациазы аԥареизгара.

АҞӘА, ԥхынгәы 20 – Sputnik, Роберт Џьопуа. Агәыҳалалратә фонд "Ашана" иаанартит быжь-шықәса зхыҵуа Аслана Џьынџьалԥҳа лоперациазы аԥареизгара. Абри атәы ҳзеиҭалҳәеит Афонд аусзуҩы Мактина Џьынџьалԥҳа.

"Аслана лчымазара шамахамзар изыхьуа маҷуп. Абри аҩыза ачымазараан абаҩқәа ԥыҵәҵәоит, иуашәшәыроуп. Лара уи лыциит. Хәышықәса рыҩныҵҟа Аслана аҽыхәышәтәратә курсқәа 16 дырхысит Москва. Уатәи аҳақьымцәа ахәшәқәа рыцхыраарала лыбаҩқәа дырӷәӷәон" — лҳәоит Афонд аусзуҩ.

Лара лажәақәа рыла Аслана лыхәышәтәра аҩбатәи аетап аан аметалл иалху аштифқәа лыбаҩқәа иргәыладыргылон Хорватиа аҳҭнықалақь аҟны иҟоу аклиника "Свиатаиа Екатеринаҿы".

"Ирацәан иҳамаз аԥынгылақәа: аԥареизгараҿы, ианаҳзыԥшыз аамҭаз абилеҭқәа рмоура, авиза ҳаҭара мап ацәкра. Аха ҳара урҭ зегьы ҳариааиит. Аслана ларӷьашьапы аоперациа азуны аштифқәа агәыладыргылеит. Аоперациа уникалтәны иҟоуп, избанзар аметалл иалху аштифқәа лара илызҳацыԥхьаӡа иԥсахтәӡам, даргьы ирызҳауеит" — лҳәоит Џьынџьалԥҳа.

Аслана лан, Фатима Лашәриаԥҳа еиҭалҳәоит аоперациа акырӡа ишыуадаҩыз, аха иахьазы аметалл иалху аштифқәа лара лыбаҩԥҵәара ааныркылоит.

"Аоперациа ф-сааҭк ицон. Уажәы агипс амаҳхроуп, аха макьана дныҟәар ҟалом, избанзар лармашьапы еиҳа еиҵоуп ларӷьашьапы аасҭа. Уигьы аоперациа азутәуп" — лҳәоит ан.

Фатима Лашәриаԥҳа ҭабуп ҳәа ралҳәоит ацхыраара рызҭаз зегьы. Аслана аҩбатәи лшьапы аоперациа ҟарҵоит загребтәи аклиникаҿ. Аоперациа ахәԥса наӡоит 2 миллионки 674 нызқьмааҭ.

Атемақәа:
Ҳаидгыланы аԥсҭазаара еиқәҳархап (31)

Ихадоу атемақәа