22:33 21 Цәыббра 2017
Аҟәа+ 23°C
Ишиашоу ицо аефир
Парламент.

Апарламент АКЦ (ИКЦ) аԥҵаразы аиқәшаҳаҭра аратификациа азнауит

© Sputnik / Томас Тхайцук
Аԥсны
Икьаҿу ахьарԥш аиура
11 0 0

Аԥсни Урыстәылеи рыбжьара Аҩныҵҟатәи аусқәа рцентртә органқәа Ринформациа-координациатә центр аусура аиҿкааразы Аиқәшаҳаҭра анапы аҵаҩын 2017 шықәса лаҵарамза 18 рзы.

АҞӘА, ԥхынгәы 26 – Sputnik, Роберт Џьопуа. Аԥсны Жәлар Реизара адепутатцәа аратификациа азыруит Аԥсныи Урыстәылеи рыбжьара Аҩныҵҟатәи аусқәа рцентртә органқәа Ринформациа-координациатә центр аусура аиҿкааразы Аиқәшаҳаҭра. Аиқәшаҳаҭра анапы аҵаҩын 2017 шықәса лаҵарамза 18 рзы.

Апарламент аилатәара иалахәын 35-ҩык адепутатцәа. Урҭ рҟынтә аратификациазы рыбжьы рҭиит 23-ҩык. Мап ацәыркит 9-ҩык, 2 абжьыҭира рҽацәхьаркит.

Абжьыҭира мҩаԥгахаанӡа Аҩныҵҟатәи аусқәа рминистр Аслан Кобахьиа адепутатцәа ирзеиҭеиҳәеит Ацентр аԥҵара хықәкны иамоу атәы. Хаҭала иазгәеиҭеит ацәгьоура иаҿагыланы ақәԥара иазырхоу ауснагӡатәқәа еиқәшаҳаҭрала ишымҩаԥгахо.

Аԥсныи Урыстәылеи рыбжьара Аҩныҵҟатәи аусқәа рцентртә органқәа Ринформациа-координациатә центр аусура аиҿкааразы Аиқәшаҳаҭра рнапы аҵарҩит Аԥсны Аҩныҵҟатәи аусқәа рминистр Аслан Кобахьиеи Урыстәылатәи Афедерациа Аҩныҵҟатәи Аусқәа рминистр ихаҭыԥуаҩ Игорь Зубови, лаҵарамза 18 2017 шықәса рзы.

Аиқәшаҳаҭра азыԥхьагәанаҭон 2014 шықәса абҵарамзазы анапы зҵаҩыз аиҩызареи астратегиатә усеицуреи рзы Аиқәшаҳаҭра.

Ихадоу атемақәа