22:30 21 Цәыббра 2017
Аҟәа+ 23°C
Ишиашоу ицо аефир
Иӡыз атурист АҟәаГЕС ааигәара дырбон

Иӡыз атурист АҟәаГЕС ааигәара дырбон

© Sputnik. Сергей Мальгавко
Аԥсны
Икьаҿу ахьарԥш аиура
8 0 0

Аԥснытәи ашьхақәа рҟны иӡыз атурист гәҭакны иман ашьхатә маршрут Ԥсҳәы, ашьхахыҵырҭа Кулиамба, Ҵабал данысырц. Атурист иԥшаара иаҿуп

АҞӘА, ԥхынгәы 26 – Sputnik, Бадраҟ Аҩӡба. Иӡыз атурист Андреи Лихачиов ԥхынгәы 10-11 рзы АҟәаГЕС ааигәара дырбон, иҳәеит Sputnik акорреспондент дзыҿцәажәоз Аԥсны Аҭагылазаашьа ҷыдақәа рминистр Лев Кәыҵниа.

АҟәаГЕС ахьшьцәа афотосахьаҟны дырдырит. Иара уа уахык дыԥхьеит, ашьыжь асааҭ 11 шыҟаз имҩа иациҵеит рҳәеит, ҳәа азгәеиҭеит Лев Кәыҵниа.

"Уажәы урҭ аҭыԥқәа рҟны аԥшаарақәа мҩаԥаагоит" — иҳәоит иара.

Аԥшааратә уснагӡатәқәа ирылахәуп 12-ҩык Аԥсны Аҭагылазаашьа ҷыдақәа рминистрра аусзуҩцәеи, Аҩныҵҟатәи аусқәа рминистрреи, Ашәарҭадаратә маҵзураеи русзуҩцәеи.

Акурортқәеи атуризми рзы аминистрраҿы ма Аԥсны Аҭагылазаашьа ҷыдақәа рминистрраҿы аинформациа ааныжьра хымԥадатәиуп. Уи дара ршәарҭадароуп иззырхоу, иҳәоит аминистр атуристцәа ашәҟәы рыҽҭагалара дазааҭгыло.

Аминистр иажәақәа рыла атурист Андреи Лихачиов гәҭакны иман ашьхатә маршрут Ԥсҳәы, Аӡеиқәа, ашьхахыҵырҭа Кулиамба, Ҵабал данысырц, нас уахьынтәи Гаграҟа дхынҳәырц.

"Аҵыхәтәантәи аицәажәара рыман иани иареи ԥхынгәы 12 рзы. Усҟан иара иҳәеит зегь бзиоуп ҳәа. Ԥхынгәы 22 рзы Шәачантәи иҩныҟа дԥырраны дыҟан", — иҳәеит аминистр.

Иара иазгәеиҭеит аинформациа шроузҵәҟьа аԥшаарақәа ишрылагаз, аха макьаназы лҵшәа шыҟам.

Ихадоу атемақәа