23:42 19 Нанҳәа 2017
Аҟәа+ 27°C
Ишиашоу ицо аефир
Работа МЧС Абхазии

Иӡыз атурист Андреи Лихачиов иԥшаара адгьыл аҟынтә ихыркәшоуп

© Sputnik / Томас Тхайцук
Аԥсны
Икьаҿу ахьарԥш аиура
10 0 0

Аԥснытәи ашьхақәа рҟны иӡыз атурист гәҭакны иман ашьхатә маршрут Ԥсҳәы, ашьхахыҵырҭа Кулиамба, Ҵабал данысырц. Атурист иахьа уажәраанӡагьы иԥшаара иаҿуп.

АҞӘА, ԥхынгәы 31 – Sputnik, Бадраҟ Аҩӡба. Иӡыз атурист Андреи Лихачиов иԥшаара адгьыл аҟынтә ихыркәшоуп, иҳәеит Аԥсны Аҭагылазаашьа ҷыдақәа рминистрра апресс-маҵзура аиҳабы Мизан Ломиа.

"Аҩаша, нанҳәа 1 азы ҳалагоит аҳауаҟынтәи иԥшаара. АҶА аверталиот дыҟазар ҟалоит ҳәа агәҩара ахьҳамоу аҭыԥқәа ирхаԥырлоит", — иҳәоит Ломиа.

Урыстәылатәи атурист Андреи Лихачиов гәҭакны иман ашьхатә маршрут Ԥсҳәы, Аӡеиқәа, ашьхахыҵырҭа Кулиамба, Ҵабал данысырц, нас уахьынтәи Гаграҟа дхынҳәырц.

Аҵыхәтәантәи аицәажәара рыман иани иареи ԥхынгәы 12 рзы. Ԥхынгәы 22 рзы Шәачантәи иҩныҟа дԥырраны дыҟан.

Ашьхарахь ицо атуристцәа ашәҟәы рыҽҭарҩыр ауп уахь амҩа иқәлаанӡа, иҳәеит Аԥсны Аҭагылазаашьа ҷыдақәа рминистр Лев Кәыҵниа.

"Даара имаҷҩуп ишахәҭоу еиԥш ашьхаҟа амҩа иқәло атуристцәа иахьахәҭоу аҭыԥ ахь инеины ашәҟәы зҽанызҵо, адырра ҟазҵо. Ҳара иҳаздыруам ауаа рмаршрутқәа, иандәықәло, ишдәықәло. Ҳара атуристцәа ирзеиҭаҳҳәоит ашьхаҟа рцара аӡәгьы мап шацәимкуа, аха иахьыҟоу, иахьцо-иахьаауа аадыруазароуп ҳәа", — иҳәоит аминистр.

Андреи Лихачиови иани аҵыхәтәантәи аицәажәара рыман ԥхынгәы 12 рзы. Ԥхынгәы 22 рзы Шәачантәи иҩныҟа дԥырраны дыҟан. Аԥшаарақәа ирыцҵоуп.

Ихадоу атемақәа