23:42 11 Ԥхынҷкәын 2017
Ишиашоу ицо аефир
Гагра ашкол ҿыц дыргылоит

Гагра ашкол ҿыц дыргылоит

© Sputnik / Томас Тхайцук
Аԥсны
Икьаҿу ахьарԥш аиура
13 0 0

Гагра араион Ахада Заур Бганба Sputnik иазеиҭеиҳәеит ашкол №1 аргылара 2019 шықәса рзы ишхыркәшахо.

ГАГРА, нанҳәа 2 – Sputnik, Бадраҟ Аҩӡба. Гагра араион Ахада Заур Бганба Sputnik иазеиҭеиҳәеит ашкол №1 ажәытә хыбра аҭыԥан аҿыц аргылара 2019 шықәса рзы ишхыркәшахо.

"Ашкол ахыбра уашәшәыран. Ауаа рыҟазаара шәарҭахеит. Ҳара аӡбра ҳадаҳкылеит аҟазара ашкол аремонт азуны ахәыҷқәа аамҭала уахь ииаагарц", — иҳәеит иара.

Ахыбра 60-70-тәи ашықәсқәа раан иргылан. Хаҭабзиаралагьы иагқәаз рацәан. Аекспертиза ишьақәнаргылеит ашкол аиҭарҿыцра алшом, шьаҭанкыла иқәгатәуп ҳәа.

"Аинвестициатә программа инақәыршәаны ашкол аргылара 2019 шықәса рзы ихыркәшахоит. Абри азы 357 миллион мааҭ аԥара азоужьуп. Урҭ аԥарақәа рҟынтәи сынтәатәи ашықәс азы ахархәара рыҭахароуп 140 миллион мааҭ", — иҳәеит араион Ахада.

Ажәытә школ 400-ҩык ахәыҷқәа ирызхозҭгьы, идыргыло ахыбра ҿыц аҟны 700-ҩык ахәыҷқәа аҵараҵара рылшо иҟалоит.

"Ашкол ҳаамҭа иақәшәо маругала еиҿкаахоит", — иҳәеит Бганба.

Ихадоу атемақәа