23:43 19 Нанҳәа 2017
Аҟәа+ 27°C
Ишиашоу ицо аефир
Аԥсны Атәылахьчара аминистрра иатәу ашьҭаҵарҭақәа рҟны нанҳәа 2 асааҭ 16:30 рзы аԥжәарақәа ҟалеит

Арратә прокуратура ашьаус хацнаркит

© Sputnik.
Аԥсны
Икьаҿу ахьарԥш аиура
24 0 0

Аԥсны Атәылахьчара аминистрра иатәу ашьҭаҵарҭақәа рҟны нанҳәа 2 асааҭ 16:30 рзы аԥжәарақәа ҟалеит. Ахәышәтәырҭақәа рахь инаргеит 64-ҩык ауааԥсыра. Нанҳәа 3 ашьыжь, Аҭагылазаашьа ҷыдақәа рминистрра аусзуҩцәа иҭахаз атуристцәа рыԥсыбаҩқәа рбеит.

АҞӘА, нанҳәа 3— Sputnik, Рада Ажьиԥҳа. Аԥсны Атәылахьчара аминистрра иатәу ашьҭаҵарҭақәа рҟны нанҳәа 2 рзы иҟалаз аԥжәарақәа инарыдҳәаланы Аԥсны арратә прокуратура ихацнаркит ашьаус Аԥсны ашьаустә кодекс 358 инақәыршәаны.

Абри азы адырра ҳаиҭеит арратә прокурор Адгәыр Агрба.

"Атәылахьчара аминистрра аџьаԥҳанышьҭаҵарҭаҿы ашәарҭара зманы иҟаз арԥжәагақәа шьҭан. Урҭ рыҵәахра аԥҟаррақәа еилаган", — иҳәеит Агрба.

Рауль Ҳаџьымба иқәҵарала аџьаԥҳанышьҭаҵарҭа аԥжәара ахҟьа-ԥҟьақәа раԥыхрази, аԥжәара иахҟьаны аԥхасҭа зауз рыԥхасҭа ахышәа-ҵышәа ашьақәыргыларази Аҳәынҭқарратә комиссиа аԥҵоуп. Акомиссиа напхгара аиҭоит Аԥыза-министр Беслан Барцыц.

Ихадоу атемақәа