04:39 13 Ԥхынҷкәын 2017
Ишиашоу ицо аефир
Аԥсныи Урыстәылеи рбираҟқәа

Занҭариа: Путин Аԥсны иаԥсоу партниорк аҳасабала дахәаԥшуеит

© Sputnik / Томас Тхайцук
Аԥсны
Икьаҿу ахьарԥш аиура
1101

Урыстәылатәи Афедерациа Апрезидент Владимир Путин официалтә визитла Аԥсны даҭаауеит нанҳәа 8 рзы.

АҞӘА, нанҳәа 8 – Sputnik, Бадраҟ Аҩӡба. Владимир Путин Аԥсны иаԥсоу партниорк аҳасабала дахәаԥшуеит ҳәа Sputnik акорреспондент иеиҳәеит Аԥсны Ахаҭа иабжьгаҩ Владимир Занҭариа.

"Ҳара арҭ аизыҟазаашьақәа раҳаҭыр аабалароуп. Иахьа адунеи атәыла дуқәа анеиҿагылоу Путин Аԥсныҟа иаара аҵак ду амоуп", — иҳәеит Занҭариа.

"Урыстәыла ахада ибзиаӡаны еиликаауеит Аԥсны рацәак идуумзаргьы агеополитикаҿ астратегиатә роль шынанагӡо", — иҳәеит иара.

Владимир Занҭариа иазгәеиҭеит Аԥсны азхаҵараҿы Урыстәыла инанагӡаз ароль ду.

"Владислав Григори-иԥа Арӡынба иҳәон Урыстәыла иахьакә уаҵәакә ҳазханаҵоит ҳәа. Аԥсуа-аурыс ҳәаа ахысраан иҟаз аркьаҿрақәа аԥыхын Путин ԥыза-министрс даныҟаз, 1999 шықәсазы. Путин ихьӡ иадҳәалоуп ҳаҿиареи ҳаизҳареи рызҵаарақәа жәпакы", — иҳәеит Занҭариа.

Апартиа "Иаку Аԥсны" ахантәаҩы, Аԥсны уаанӡатәи аԥыза-министрс иҟаз Сергеи Шамба иҳәеит Урыстәыла Ахада ивизит иарбанызаалак аҳәынҭқарразы аҵак ду шамоу.

"Ҳара ҳзы уи аҵакы дуӡӡоуп", — иҳәеит Шамба.

Владимир Путин раԥхьаӡа акәны Аԥсны даҭааит нанҳәа 12 2009 шықәса рзы.

Усҟан Путин Ахьӡ-аԥша апарк аҟны абаҟа аҿаԥхьа ашәҭшьыҵәрақәа шьҭеиҵеит. Уи ашьҭахь даҭааит ҿыц иаадыртыз ахшараиурҭа аҩны. Путини Багаԥшьи дырԥылеит ахшараиурҭа аҳақьым хада Лиана Ачԥҳа, иагьылҳәеит дара рааира минуҭқәак шагыз аԥҳәыс ҩыџьа аԥацәа рыла деилгеит, ахәыҷқәа Валодиеи Дмитрии ҳәа ахьыӡқәа рырҭеит ҳәа.

Аофициалтә программа анхыркәшаха ашьҭахь Путин Аԥсны аԥсуа быргцәа дырԥылеит.

2011 шықәса рзы Аԥсны еиқәшәеит Владимир Путини Сергеи Багаԥшьи.

2013 шықәса рзы, Аԥсны иҟазаараан усҟантәи Аԥсны Ахада Александр Анқәаби иареи атәылақәа рыҩба русеицура азҵаарақәа инарҭбааны ирылацәажәеит.

Ихадоу атемақәа