14:43 23 Жьҭаара 2017
Аҟәа+ 18°C
Ишиашоу ицо аефир
Аԥсны Апрокуратура хада

Апрокуратура Аҩныҵҟатәи аусқәа рминистрра аусзуҩцәа рганахь ала аусҭҵаара иаҿуп

© Sputnik / Томас Тхайцук
Аԥсны
Икьаҿу ахьарԥш аиура
11 0 0

Гәдоуҭа араион Апрокуратура Аҩныҵҟатәи аусқәа рминистрра аусзуҩцәа рганахь ала аусҭҵаара изҿыз Аԥсны Апрокуратура хада аусҭҵааратә усбарҭа анапы ианҵоуп

АҞӘА, нанҳәа 9 – Sputnik. Аԥсны атәылауаа Алиас Сыҷынаа, Баҭали Џьансыхәи Ақаҩбақәа, Саид Кәырмазиа, Витали Чхарҭба, Адгәыр Ладариа рыпҟара инамаданы ашьаус хацыркуп. Абри атәы аанацҳауеит Апрокуратура хада.

2017 шықәса нанҳәа 7 рзы Гәдоуҭа араион апрокуратура ашьаус хацнаркит (АА АК ахәҭаҷ 3 ахәҭақәа "а" "б" инарықәыршәаны) Аԥсны Аҩныҵҟатәи аусқәа рминистрра аппарат хада аусзуҩцәа Дмитри Ԥлиа, Леон Уридиа, Лиучано Папба, Баҭал Аџьынџьал рганахь ала. Дара рмаҵзуратә напынҵақәа инархыҳәҳәаны Аԥсны атәылауаа Алиас Сиҷинаа, Баҭали Џьансыхәи Ақаҩбақәа, Саид Кәырмазиа, Витали Чхарҭба, Адгур Ладариа ааха ӷәӷәақәа рырҭеит.

Апрокуратура хада адыррақәа рыла ашьаусҭҵаара ҵаҵӷәны иамоуп 2017 шықәса нанҳәа 5-6 рзы Гагратәи акаҳуажәырҭа "Араукария" аҟны зхы ыҵызхыз аимак. Ашьаусҭҵаара аматериалқәа рыла гәыԥҩык аҿар рхымҩаԥгашьазы Дмитри Ԥлиа азгәаҭара риҭеит.

Иахьатәи аамҭазы рышьақәыргылара иаҿуп ацәгьоура иалахәыз амилициа аусзуҩцәа зегьы рхаҭарақәа.

Гәдоуҭа араион Апрокуратура Аҩныҵҟатәи аусқәа рминистрра аусзуҩцәа рганахь ала аусҭҵаара изҿыз Аԥсны Апрокуратура хада аусҭҵааратә усбарҭа анапы ианҵоуп.

Ихадоу атемақәа