12:16 19 Жьҭаара 2017
Аҟәа+ 14°C
Ишиашоу ицо аефир
Дмитри Ӷәазаа

Дмитри Ӷәазаа Казань имҩаԥысуа Урыстәыла Ахраҿа Mitjet 2L аҿы дықәгылоит

© Фото: АКВАФОН
Аԥсны
Икьаҿу ахьарԥш аиура
11 0 0

Урыстәыла Ахраҿа Mitjet 2L – 2017 аԥшьбатәи аетап мҩаԥысраны иҟоуп Казантәи автодром Kazan Ring аҟны нанҳәа 11-12 рзы.

АҞӘА, нанҳәа 11 – Sputnik, Амра Амҷԥҳа. Урыстәыла Ахраҿа Mitjet 2L – 2017 аԥшьбатәи аетап мҩаԥысраны иҟоуп Казантәи автодром Kazan Ring аҟны нанҳәа 11-12 рзы. Уи ихы алаирхәраны дыҟоуп ҳџьынџьуаҩ Дмитри Ӷәазаагьы. Абри атәы Казанынтәи ҭелла иаҳзааицҳаит иара аспортсмен ихаҭа.

"Сара уажәы Казань сыҟоуп. Аҽазыҟаҵарақәа сырҿуп. Асабшаҽны атурнир хацыркхоит. Сгәы иаанагоит зегь маншәалан имҩаԥысып ҳәа. Атрасса кьаҿуп, аха акыр иуадаҩуп, аха аинтерес амоуп. Иара аиҩхаа иҭысны ицоит, аҳаракырақәеи алаҟәырақәеи рҽеиҭнырыԥсахлоит. Сара иара уаанӡа санымсыцызт", ҳәа еиҭеиҳәоит Дмитри.

Атрасса аура 3, 5 километра иҟоуп. Уи зныктәи ахагьыжьроуп.

"Ҳара хагьыжьрак минуҭки 24 секунди рыла ҳахысуеит. Зынӡа 20 минуҭ ҳамоуп", — иҳәоит аспортсмен.

Иара иажәақәа рыла мчыбжьык ашьҭахь иара уа, Казань имҩаԥысраны иҟоуп Mitjet 2L ахәбатәи аетап.

"Дарбанызаалак аспортсмен ихықәкы хадоу аиааироуп. Саргьы ҳәарада исхықәку уи ауп. Уи азы исылшо зегьы ҟасҵоит", — иҳәоит Дмитри.

Сынтәа Урыстәыла Ахраҿа Mitjet мҩаԥысраны иҟоуп ф-етапкны. Ҩба-ҩба: Шәача, Казань, Москва ақалақьқәа рҟны.

Шәачеи Москвеи равтодромқәа рҟны еиԥшымкәа Казантәи автодром аҿы алахәылацәа ахәаԥшцәа ишырбац ирбоит. Ахыгьыжь 12 ҵәирҭа амоуп. Атрасса ауадаҩра алахәылацәа реиндаҭлара еиҳагьы иарҵаруеит.

Урыстәыла Ахраҿа Mitjet аетапқәа фба рҟынтәи ахԥатәи хыркәшахеит ԥхынгәы 8 рзы Москва. Дмитри Ӷәазаа Урыстәыла Ахраҿа Mitjet призиорс дҟалеит.

2016 шықәса рзы Шәача имҩаԥысуаз аиндаҭлараан аҩбатәи аҭыԥ ааникылеит, араӡны Храҿа ианашьахеит.

Асериа Mitjet 2L алаҵәара амоуп Франциа, Италиа, Германиа, Урыстәыла, Америкатәи аштатқәа рҟны. Иара шьаҭаиркит афранцыз спортсмен Жан-Филипп Даиро.

Урыстәыла асериа Mitjet промоутерс иҟоуп аилахәыра Arctic Energy. Акласс MITJET 2L иатәу автомашьынақәа рымчра 260 ҽы рымчра иҟоуп, рыкапан –750 кьыла, абылтәы бак ахышәа-ҵышәа 37 литра артәоит.

Ихадоу атемақәа

  • Администрация г.Сухум.

    Аҟәа аинвистициатә паспорт азырхиара шықәсык инарзынаԥшуа иаҿын иҳәеит Аҧснытәи аҳәынҭқарратә телерадио Еилахәыра апресс-центр аҿы имҩаҧигаз апресс-конференциаҟны Аҟәа ақалақь ахада ихаҭыҧуаҩ Леон Кәарҷиа.

    0
  • Русско-абхазский словарь.

    Аԥсуа бызшәаҿы 20 дырга иреиҵам змоу ажәа аԥшаара дшаҿыз ажәараҟны, иахьа ахархәара змам ажәақәа шалылԥшааз, атәы дазааҭгылоит ажурналист Елеонора Коӷониаԥҳа.

    8
  • Изготовление сыра

    Аԥсуа чысқәа ачаҩыри аҭубари рҭоурыхи, рыҟаҵашьеи дазааҭгылоит Sputnik аналитик Нонна Ҭхәазԥҳа. Арҭ ачысқәа рыҟаҵашьа атәы еиҭарҳәеит Ҭхәазаа ирымоу Арышԥҳа Ҭали, Шьынқәыраа ирымоу Бигәааԥҳа Мзиана.

    126