Косики карате азы Аԥсны Ахраҿаз атурнир аатит Аҟәа

© Бадрак АвидзбаКосики карате азы Аԥсны Ахраҿаз атурнир аатит Аҟәа
Косики карате азы Аԥсны Ахраҿаз атурнир аатит Аҟәа - Sputnik Аҧсны
Анапаҵаҩра
V иаарту Косики карате азы Аԥсны Ахраҿаз атурнир аатит Аҟәа. Иара иалахәуп Аԥсны, Урыстәыла Донецктәи жәлар рреспублика рҟынтәи аспортсменцәа.

АҞӘА, нанҳәа 21 – Sputnik, Бадраҟ Аҩӡба. V иаарту Косики карате азы Аԥсны Ахраҿаз атурнир аатит Аҟәа, нанҳәа ҩеижәа рзы Сергеи Багаԥшь ихьӡ зху аспорт Ахан аҟны. Иара иалахәуп Аԥсны, Урыстәыла Донецктәи жәлар рреспублика рҟынтәи аспортсменцәа.

Аицлабра алахәылацәа дрыдныҳәало ауснагӡатә аартра рылеиҳәеит Косики карате азы Аԥсны Афедерациа апрезидент Демис Адлеиба.

"Ҳара сынтәа раԥхьаӡа акәны ааигәа иаԥҵахаз астиль рацәатә карате аҳәаақәа ирҭагӡаны имҩаԥаагоит косики карате азы Аԥсны Ахраҿа атурнир", — иҳәеит иара.

Атурнир аихшьаалақәа рыла Аԥсны ишьақәыргылахоит косики карате азы адунеи ачемпионат алахәылацәа. Иара мҩаԥысраны иҟоуп абҵара 4 — 5 рзы Урыстәыла. Аӡбаҩ хада ҳәа Аԥсныҟа дааиит Урыстәылатәи Афедерациа косики карате азы Ассоциациа апрезидент Сергеи Федоткин.

Аԥсны астиль рацәатә карате азы Афедерациа аиҳабы Ахра Абыхәба иазгәеиҭеит ари аспортхкы еиҳа-еиҳа ирылаҵәо ишалагаз.

Аԥсны абаҩырҵәыреи аспорти рзы Аҳәынҭқарратә еилакы ахаҭарнак Жанна Занҭариаԥҳа еизаз зегьы ҭабуп ҳәа ралҳәеит, ақәҿиарақәа рзеиӷьалшьеит.

V иаарту Косики карате азы Аԥсны Ахраҿаз атурнир иалахәуп Аԥсны, Урыстәыла Донецктәи жәлар рреспублика рҟынтәи аспортсменцәа. Иааидкыланы иқәгылараны иҟоуп ҩышәҩык рҟынӡа аспортсменцәа.

Атурнир аартраан дықәгылеит косики карате азы Урыстәылатәи Ассоциациа апрезидент Сергеи Федоткин.

"Сара ишәыдысныҳәалар сҭахуп абри амшныҳәа. Абҵарамзазы Аԥснытәи аспортсменцәа ҳарзыԥшуп Урыстәыла имҩаԥысраны иҟоу адунеи ачемпионатт аҟны", — иҳәеит Федоткин.

Атурнир аихшьаалақәа мҩаԥыргараны иҟоуп нанҳәа 20 рзы.

Ажәабжьқәа зегьы
0