10:16 16 Ԥхынҷкәын 2017
Ишиашоу ицо аефир
Ачемпион иира: Баҭал Чежиа ИАР иреиӷьу боксиоруп

Ачемпион иира: Баҭал Чежиа ИАР иреиӷьу боксиоруп

© Sputnik / Томас Тхайцук
Аԥсны
Икьаҿу ахьарԥш аиура
5 0 0

Апрофессионалтә бокс ахәылԥаз "Ачемпион иира" мҩаԥысит Аҟәа, нанҳәа 19 рзы.

АҞӘА, нанҳәа 21— Sputnik, Бадраҟ Аҩӡба. Аԥснытәи абоксиор Баҭал Чежиа ажурнал "Про Бокс" аверсиала Ихьыԥшым Атәылақәа Реидгылеи аславиан тәылақәеи рчемпион ҳәа ахьӡ ианашьахеит, Узбеқсҭантәи абоксиор Иззат Ибрагимов данииааи ашьҭахь.

Аԥсуа боксиор иқәгылара алагамҭа инаркны даара иактивын. Уи иацхраауан ихьӡ еицҿакны еицызҳәоз ахәаԥшцәагьы.

Ақәгылара аа-раундк рыла ишьақәгылан, аха ахԥатәи араунд аан Баҭал ицықәгылоз нокаут днеишьҭеит. Уи ишьапы ақәгылара шилшазгьы, аисара изацымҵеит. Рефери ақәгылара ааникылар акәхеит.

Бой Батала Чежия за титул лучшего боксера СНГ
© Sputnik / Томас Тхайцук
Бой Батала Чежия за титул лучшего боксера СНГ

Ахәаԥшыҩцәа реиҳараҩык Баҭал иқәгылара иахәаԥшырц ишааизгьы, егьырҭ аспортсменцәагьы ринтерес рыманы ирыхәаԥшуан.

Иазгәаҭатәуп асеиԥш иҟоу атурнир Аԥсны уаанӡа ишымҩаԥымсыцыз.

Абри ахәылԥаз аринг ахь ицәырҵит Урыстәыла, Аԥсны, ИАР атәылақәа, Европа атәылақәа рспортсменцәа.

Ахәаԥшыҩцәа рыгәҭа иҟан Аԥсны Ахада ихаҭыԥуаҩ Витали Габниа, ААУ аректор Алеко Гәарамиа.

Бой Батала Чежия за титул лучшего боксера СНГ
© Sputnik / Томас Тхайцук
Бой Батала Чежия за титул лучшего боксера СНГ

Атурнир аҟны адебиуттә қәгылара мҩаԥигеит аҽа аԥсыуа боксиоркгьы: Игор Адлеиба. Актәи аминуҭқәа инадыркны иара дызцықәԥоз урыстәылатәи аспортсмен Ваге Кирокосиан иаасҭа еиҳа аԥыжәара шьҭикааит.

Апрофессионалтә хәылԥаз "Ачемпион иира" еиҿыркааит Урыстәыла Аҩада-Кавказтәии аокругқәа рпрофессионалтә бокс Афедерациеи апромоутертә еилахәыра SKV BOXING, Аԥсны апрофессионалтә бокс Афедерациеи.

Ихадоу атемақәа