АҞӘА, нанҳәа 25 – Sputnik. Нанҳәа 24 азы Аҧсны Аҳәынҭқарра Ахада Рауль Ҳаџьымба инапы аҵаиҩит Аҧсны Аҳәынҭқарра ҳазалхратә еилакы Ахантәаҩы изы Аусҧҟа.
Аусԥҟаҟны иҳәоуп: Аҧсны Аҳәынҭқарратә ҳазалхратә еилакы Ахантәаҩыс даҭазааит Лышәба Адгәыр Нурбеи-иҧа ҳәа.
Иара убри аан ихы дақәиҭтәуп Кобахиа Даур Иури-иҧа Аҧсны Аҳәынҭқарратә ҳазалхратә еилакы Ахантәаҩы имаҵураҟнытә хаҭала иалаиҵаз арзаҳал шьаҭас иҟаҵаны.
Уаанӡа Адгәыр Лышәба Аԥсны Ахада Аусбарҭа анапхгаҩы ихаҭыԥуаҩыс дыҟан.
Лышәба А.Н. диит 1963 шықәса нанҳәа 29 рзы. 1984 шықәса рзы далгеит ААУ аекономикатә факультет.
1994-1995шш. — Аԥсны Аҳәынҭқарра аҳәынҭқарратә мазара ахылаԥшреи ахатәтәреи рзы Аилак ахантәаҩы ихаҭыԥуаҩ.
1995-1999шш. – Аԥсны Аҳәынҭқарра Аминистрцәа реилазаара аекономика аҟәша аиҳабы.
1999 —2002шш. – Аԥсны Аҳәынҭқарра Аекономика аминистр.
2002 – 2005шш. – Аԥсны Аҳәынҭқарра Ашәахтәқәеи аизгақәеи рзы аминистр.
2007-2016шш. —Аԥсны Аҳәынҭқарра Ахәаахәҭра-Ааглыхратә палата Ахада ихаҭыԥуаҩ.
