Аԥсни Аахыҵ Уаԥстәылеи разхаҵара ҵакы змоу хҭыс дууп

© Sputnik Зафас ГамгияВидеомост Абхазия-Южная Осетия
Видеомост Абхазия-Южная Осетия - Sputnik Аҧсны
Анапаҵаҩра
Аԥсни Аахыҵ Уаԥстәылеи разхаҵара амшныҳәа жә-шықәса ахыҵра инадҳәаланы Sputnik Аԥсны апресс-центр аҟны имҩаԥган Аахыҵ Уаԥстәылатәи ареспублика Адәныҟатәи аусқәа рминистр Дмитри Медоеви Урыстәыла иҟоу Аахыҵ Уаԥстәыла Ацҳаражәҳәаҩ иабжьагаҩ Алан Джиоеви злахәыз авидеоцҳа.

АҞӘА, нанҳәа 25– Sputnik, Бадраҟ Аҩӡба. Аԥсни Аахыҵ Уаԥстәылеи разхаҵара ҵакы змоу хҭыс дууп ареспубликақәа рыҩбагьы рзы иҳәеит авидеоцҳа Аҟәа-Цхинвал-Москва амҩаԥысраан Аахыҵ Уаԥстәылатәи ареспублика Адәныҟатәи аусқәа рминистр Дмитри Медоев.

"2008 шықәса нанҳәа 26 рзы иҟаҵаз аӡбра ҳаар ҳзы аҭоурых ҟазшьа змоу ӡброуп", — иҳәеит иара.

Иахьа Аахыҵ Уаԥстәыла активла аус ацнауеит Урыстәылатәи Афедерациа еиуеиԥшым ахырхарҭақәа рыла. Аҳәынҭқарратә суверинитет азхаҵара шьаҭаны иазыҟалеит ареспублика аизҳазыӷьара иҳәеит Медоев.

Аахыҵ Уаԥстәылатәи ареспублика Адәныҟатәи аусқәа рминистр Дмитри Медоев иазгәеиҭеит Аԥсни Аахыҵ Уаԥстәылеи еинырны русеицура аԥеиԥш аманы ишыҟоу.

"Аԥсни Аахыҵ Уаԥстәылеи ҩ-ганктәи реизыҟазаашьақәа рдац-ԥашә акыр иӷәӷәоуп, иҵаулоуп. Ҳаар доуҳала еизааигәоу жәларқәоуп. Аԥсуа ашәа ануаҳауа уара ухатәашәа уаҳауашәоуп угәы шыҟало", — иҳәеит иара.

Аҳәынҭқаррабжьаратә еизыҟазаашьақәа хацркхеит Асовет Еидгыла еилаҳауа ианалага ашьҭахь.

"Сара сазыгәдууп Аԥсны раԥхьатәи Ахада Владислав Арӡынба ҷыдала дахьыздыруаз. Иареи сареи Москва ҳаибабалон. Усҟан иара Мрагыларадырра аинститут аҟны аус иуан, сара уа саспирантын", — иҳәоит Медоев.

Урыстәыла иҟоу Аахыҵ Уаԥстәыла Ацҳаражәҳәаҩ иабжьагаҩ Алан Джиоев иакәзаргьы Аԥсни Аахыҵ Уаԥстәылеи рыжәларқәа ирыдиныҳәалеит ахьыԥшымра азхаҵара Амш.

Аахыҵ Уаԥстәылатәи ареспублика Адәныҟатәи аусқәа рминистр Дмитри Медоев Sputnik Аԥсны ахь аҳәара ҟаиҵеит ихьӡала Аԥсны иқәынхо ажәларқәа зегьы аныҳәамш рыдныҳәалазарц, иара убасгьы Аԥсны Адәныҟатәи аусқәа рминистр Даур Ақаҩба абри амш идныҳәалазарц.

Ажәабжьқәа зегьы
0