07:19 22 Ажьырныҳәа 2018
Ишиашоу ицо аефир
Ты супер! Танцы

Валериа Адлеиԥҳа адгылара илҭоит "Ты супер!Танцы" алахәыла Леон Қапба

PR НТВ
Аԥсны
Икьаҿу ахьарԥш аиура
"Ты супер! Танцы" (21)
3510

Жәларбжьаратәи авокалтә шоу "Ты супер!" аҟны аиааира згаз Валериа Адлеиаԥҳа днеиит Аԥсны ахьӡала аконкурс "Ты супер! Танцы" иқәгылараны иҟоу Леон Қапба адгылара илҭарц азы.

АҞӘА, нанҳәа 30 — Sputnik. Цәыббра 2 рзы ателеканал НТВ аҟны ихацыркхоит жәларбжьаратәи ахәыҷтәы кәашаратә конкурс "Ты супер! Танцы". Иара аныда-абыда инхаз ахәыҷқәа ирнаҭоит алшара ахаарԥшразы.

Апроект раԥхьатәи асасцәа дреиуоуп Жәларбжьаратәи авокалтә шоу "Ты супер!" аҟны аиааира згаз Валериа Адлеиаԥҳа. Валериа Адлеиаԥҳа днеиит Аԥсны ахьӡала аконкурс "Ты супер! Танцы" иқәгылараны иҟоу Леон Қапба адгылара илҭарц азы.

Апроект "Ты супер! Танцы" далахәуп 13-шықәса зхыҵуа Леон Қапба. Лера Адлеиаԥҳаи иареи аҵара еицырҵоит Очамчыра ақалақь аҟны иҟоу ашкол-интернат аҿы. Еиҩызцәоуп. Убри азоуп Лерагьы лҩыза агәазыҟаҵара бзиа илҭарц уахь дызизнеиз.

"Сара агәахәара ду снаҭоит Леон аԥсуа кәашара дахьыкәашо. Асценаҟны данызба амҵәыжәҩақәа соуит. Сҩыза сгәы иладууп", — - лҳәеит лара.

Аконкурс "Ты супер! Танцы" апремиера мышқәак ауп роуп иагу. Аҽазыҟаҵарақәа, аҭыхрақәа, ақәгыларақәа – ахәыҷқәа рзы имариоу усым. Дара реиҳараҩык уаанӡа рықалақьқәа инархысны џьаргьы имцацызт. 

Леон Лера илзеиҭеиҳәеит аиааира илшап ҳәа дшыԥшу. Иара уи азы алшарақәа имоуп. Быжь-шықәса анихыҵуаз аахыс акәашара инапы алакуп, ахәыҷтәы хореографиатә ансамбль "Ерцахә" аҟны дкәашоит, ареспубликаҿы имҩаԥысуа афестивальқәеи аконкурсқәеи дрылахәхахьеит.

Леон гәаҳәараны имоу иреиҳауп мышкызны Кремльтәи Ахан асценаҟны аԥсуа кәашара неигӡарц.

"Сҩызцәа зегьы ирҳәоит аиааиар угоит  ҳәа, аха сара уи макьаназы исызхаҵом", — иҳәоит Леон. 

Леона Қапба иқәгылара ахәаԥшцәа ирбар рылшоит асабша, цәыббра 2 асааҭ 20:00 рзы.

Ателерадиоеилахәыра НТВ-и жәларбжьаратәи аинформациатә маҵзуреи арадио Sputnik еиҿыркааз Жәларбжьаратәи аконкурс "Ты супер! Танцы" еизнагоит Урыстәылеи, ИАР атәылақәеи, Балтиа атәылақәеи рҟынтәи аҟыбаҩ ҷыда змоу аҿар.


Атемақәа:
"Ты супер! Танцы" (21)

Ихадоу атемақәа