Аҧсны Аминистрцәа реилазаара аппарат анапхгаҩыс дҟаҵоуп Давид Сангәлиа

© Фото : с сайта Президента АбхазииАҧсны Аҳәынҭқарра Аминистрцәа реилазаара аппарат анапхгаҩы Давид Сангәлиа
Аҧсны Аҳәынҭқарра Аминистрцәа реилазаара аппарат анапхгаҩы  Давид Сангәлиа - Sputnik Аҧсны
Анапаҵаҩра
Цәыббра 4 рзы Аҧсны Аҳәынҭқарра Ахада Рауль Ҳаџьымба инапы аҵаиҩит Аҧсны Аҳәынҭқарра Аминистрцәа реилазаара аппарат анапхгаҩы изы Аусҧҟа.

АҞӘА, цәыббра 5– Sputnik. Аҧсны Аҳәынҭқарра Ахада Рауль Ҳаџьымба инапы аҵаиҩит Аҧсны Аҳәынҭқарра Аминистрцәа реилазаара аппарат анапхгаҩыс даҭазарц Давид Сангәлиа.

Давид Сангәлиа абри аҭыԥ аҟны диԥсахит Диана Ԥлиаԥҳа. Диана Ԥлиаԥҳа Аминистрцәа реилазаара аппарат напхгара алҭон 2015 шықәса лаҵара 25 инаркны.

Давид Сангәлиа диит 1980 шықәса нанҳәа 14 рзы Аҟәа ақалақь аҟны. 2003 шықәса рзы далгеит Адыгатәи аҳәынҭқарратә университет. 2013 шықәса раахыс аус иуан Аԥсны Ахада Иусбарҭа азинтә ҟәша аиҳабыс.

2014 шықәса ажьырныҳәа 31 инаркны аус иуан Аԥсны Ахада Иусбарҭа аҳәынҭқарра-зинтә усбарҭа аиҳабыс. Дҭаацәароуп.

Ажәабжьқәа зегьы
0