05:20 25 Цәыббра 2017
Аҟәа+ 20°C
Ишиашоу ицо аефир
Сотрудники МЧС  России и Абхазии во время работ по спасению лоочников в сухумской бухте

Санкт-Петербургтәи аԥсшьаҩы амшын дашьит

© Фото: Пресс-служба Пограничного управления ФСБ России
Аԥсны
Икьаҿу ахьарԥш аиура
2 0 0

Санкт-Петербургтәи аԥсшьаҩԥҳәыс Алашарбага араион иахьаҵанакуа амшын дашьит.

АҞӘА, цәыббра 8 — Sputnik. Зышәагаа маҷу аӷбақәа рзы Аҳәынҭқарратә инспекциа аиҳабы Ҭенгьиз Сабуа иажәақәа рыла аусбарҭахь аинформациа роуит аԥшьаша, цәыббра 7, асаҭ 9.00 рзы.

"Ҳара иаразнакы ахҭыс ахьыҟалаз аҭыԥ ахь ҳнеиит. Иҟалаз збоз ауаа иаҳзеиҭарҳәеит амшын ацәқәырԥара шдузгьы иӡааҟәрылаз аԥсшьаҩԥҳәыс амшын дышҭалаз. Ацәқәырԥақәа уи аҟәарахьы лыхынҳәра алдмыршеит, наҟ аӡы даланагалеит. Думбогьы хара дагеит. Ҳара аланрԥшыга ду ала алаԥшҳәаа зегьы ҳалаԥш иҵаагеит, аха џьаргьы дҳамбеит", — иҳәеит Сабуа.

Абри ашьҭахь ашхәа ала аводолазцәа рыцны амшын ихылеит.

"Асааҭ 10 рзы ашхәала амшын ҳхылеит. Амшын ацәқәырԥара х-баллк иҟан. Уаанӡа абетонтә зауад ахьгылаз иамариашаны аӡаҟны иаабеит аԥсшьаҩы лыԥсыбаҩ", — иҳәеит Сабуа.

Амшын иашьыз Санкт-Петербургтәи аԥсшьаҩы Ирина Геннади-иԥҳа Марченко 1966 шықәса рзы диит. Лара Аҟәа лыԥҳа длыцны лыԥсы лшьон.

Ихадоу атемақәа