Аԥсуа театр 87- тәи асезон аанартит

© Sputnik / Томас ТхайцукСпектакль "Махаджиры" в Абхазском драмтеатре
Спектакль Махаджиры в Абхазском драмтеатре - Sputnik Аҧсны
Анапаҵаҩра
"Амҳаџьырқәа" Самсон Ҷанба ипиеса иалху қәыргыламҭоуп. Иарала 2016 шықәса цәыббрамзазы иаатит Аԥсуа ҳәынҭқарратә драматә театр 86-тәи асезон.

АҞӘА, цәыббра 20— Sputnik, Анжелика Бениаԥҳа. "Амҳаџьырқәа" Самсон Ҷанба 1920 шықәса рзы ииҩыз ипиеса иалху қәыргыламҭоуп. Аспектакль гәҽанҵарак еиԥшуп ҳәа азгәеиҭеит арежиссиор-ақәыргылаҩ Алхас Шамба.

"Ҳақәыргыламҭа иахьатәи аамҭа иазку спектакльуп. Аамҭақәа еиқәҿырҭуеит. Усҟан аԥсуаа ҭаацәала рыԥсадгьыл ааныжьны иқәҵны ицеит. Иахьа, ахақәиҭреи ахьыԥшымреи анҳамоу аамҭазы, милаҭк аҳасабала ҳаӡыр алшо аамҭа ҳҭагылоуп. Зны-зынла угәы иаанагар ауеит ҳаԥсадгьыл аамҭа хҵәахак аан иҳарҭазшәа. Иахьа имҩаԥысуа апроцессқәа аанкыламхар, аԥсуаа аҽазныкгьы ҳадгьыл ҳацәыӡыр алшоит. Аспектакль гәҽанҵароуп", — иҳәеит Шамба.

Иара убасгьы иазгәеиҭеит Ҭырқәтәыла инхо аԥсуа диаспора ахаҭарнакцәа аспектакль ианахәаԥш Ҭырқәтәылагьы идырбазар рҭаххеит ҳәа.

Самсон Чанба ихьӡ зху Аԥсуа драматә театр актиор Роман Сабуа. - Sputnik Аҧсны
Сабуа: аспектакль "Амҳаџьырра" ҽыц блала, ҿыц дунеихәаԥшышьала аус адулоуп

Аспектакль ихәмаруан аԥсуа актиорцәа, амҳаџьырраан аԥсуаа реиҳараҩык ахьыӡхыргоз аҭыԥ, авалаиет Сакариаҿы. Ахәаԥшыҩцәа реиҳараҩык аԥсуа бызшәа шырзеилымкаауазгьы зегь рылаӷырӡ рҿаҳәҳәы итәан иҳәеит арежиссиор.

"Хаҵагьы ԥҳәысгьы ҵәыуон. Ҳаар урҭ рырҵәыуара акәмызт хықәкны иҳамаз, ҳара иаҳҭахыз урҭ рырхәыцра акәын. Ҳаар иаҳҭаху ахәаԥшҩы апроблема иныҭкааны дархәыцыр ауп, ихдырра иазҳарҳарц ауп, даԥсыуаны ихы ишьарц ауп", — иҳәеит арежиссиор.

Атеатр актиор Даур Арухаа иҳәеит Ҭырқәтәыла рықәгылара ашьҭахь аспектакль шыхәмаррам, ишыԥсҭазаара хаҭоу.

"Ҭырқәтәыла ҳара иаабеит ҳашьцәа ахьыӡхыҵуаз аҭыԥқәа, иаабеит аҳаԥқәа, зыҭӡқәа рҟны ахьӡқәеи ажәлақәеи анырҵоз. Иаабеит 1200-ҩык ахәыҷқәа анышә иахьамадаз аԥсыжырҭа. Абарҭқәа рышьҭахь аспектакль аҿы ахәмарра уадаҩхоит. Ҳажәлар рхьаа, рҭоурых аҽакала аҽунарбоит. Абасеиԥш иҟоу аспектакльқәа рылоуп асезонқәа шаартлатәу", — иҳәеит Арухаа.

© Sputnik / Томас ТхайцукСпектакль "Махаджиры" в Абхазском драмтеатре
Спектакль Махаджиры в Абхазском драмтеатре - Sputnik Аҧсны
Спектакль "Махаджиры" в Абхазском драмтеатре

Самсон Ҷанба 1920 шықәса рзы ииҩыз ипиеса иалху ақәыргыламҭа "Амҳаџьырқәа" рыла иаатуеит асезон ҿыц.. Иаралоуп 2016 шықәса цәыббрамза 19 рзы Аԥсуа ҳәынҭқарратә драматә театр 86-тәи асезонгьы шаатыз.

Ажәабжьқәа зегьы
0