Красносельски Аԥсны: Амшын аԥшаҳәаҿы аныҟәареи акаҳуеи

© Sputnik / Томас ТхайцукВизит президента ПМР Вадима Красносельского в Абхазию
Визит президента ПМР Вадима Красносельского в Абхазию - Sputnik Аҧсны
Анапаҵаҩра
Аԥсныи Преднесторовиа Молдавтәи ареспубликеи рхадацәа аофициалтә еиԥылара ашьҭахь, ҳтәыла анапхгара асасцәа аҳҭнықалақь аԥшаҳәаҿы аныҟәара рзеиҿыркааит. Акаҳуа аныржәуаз излацәажәозеи, ишԥарԥылеи адомино асыҩцәа асасцәа, Sputnik акорреспондент Бадри Есиава иматериал аҿы.

Аԥшаҳәаҿы

Преднесторовиа Молдавтәи ареспублика ахада Вадим Красносельски дызлахәыз аделегациа ахәылԥазтәи рныҟәара хацыркын атәыла Ахадара ахыбра аҟнытә. Рауль Ҳаџьымба ԥшәымак иаҳасабала асасцәа наскьаганы ирзеиӷьаишьеит аамҭа бзиан ирхыргарц.

Аделегациа Аԥсны ахада ихаҭыԥуаҩ Витали Габниеи, Адәныҟатәи аусқәа рминистр Даур Ақаҩбеи, акультура аминистр Ельвира Арсалыиаԥҳаи еицырдыруа Аҟәа аԥшаҳәаҿы иҟоу акаҳуажәырҭахь рҿынархеит.

Амҩан Витали Габниа Преднесторовиа Молдавтәи ареспублика ахада еизеиҭаиҳәеит акаҳуажәырҭа шҭыԥ ҷыдоу, араҟа иалацәажәоит зегь реиҳа аинтерес зҵоу ажәабжьқәа, аполитикатә хҭысқәа.

Брехаловкаҿы, ус иашьҭоуп ари аҭыԥ, еизоит адомино асра бзиа избо зегьы. Ааигәа Аԥсны ари аспорт хкы ала Жәларбжьаратәи Афедерациа иалалеит. Аԥсуа команда алахәын адомино азы Адунеи Ачемпионат, уи Қырҭтәыла мап шацәыркуазгьы.

Официальная встреча делегации Приднестровской Молдавской Республики во главе с Президентом Вадимом Красносельским на государственной границе по реке Псоу - Sputnik Аҧсны
Приднестровиатәи асасцәа Аԥсны аҳәааҿы ирԥылеит

Адәныҟатәи аусқәа рминистр Даур Ақаҩба, дааҭгыланы, асасцәа ирзеиҭаиҳәеит Урыстәыла ахада Аԥсны иҟазаара аан иҟалаз алаф зҵоу ахҭыс. Лгәынҽынӡамкәа ԥҳәыск Владимир Путин данылба атәы.

Преднесторовиа Молдавтәи ареспублика ахада Вадим Красносельски дазҵааит Аҟәа Дмитри Медведев ихьӡ зху амҩа ду ыҟома ҳәа. Мап ҳәа аниаҭарк, иҳәеит ирацәоуп атәылақәа амҩадуқәа аҳәынҭқаррақәа рнапхгаҩцәа рыхьыӡ анахырҵо.

Красносельски аҭыԥантәи асахьаҭыхыҩцәа русумҭақәа дрыхәаԥшит, анаҩс аделегациа адомино иахьыхәмаруаз инеит. Аӡәырҩы аиашьаратә ҳәынҭқарра ахада иаразнак дырзымдырит, аха ишаԥу еиԥш асасцәа ирхаҵгылеит. Шьоукы ргәырҽынӡамкәа иахьрыхҭыгәлаз аҟнытә рҟәардәқәагьы каҳаит.

— Хәылбзиа, Гарри Сергеи-иԥа, — адомино асҩы аԥсшәа наиаиҳәеит Аԥсны иҟоу Преднесторовиа Молдавтәи ареспублика ахаҭарнак Гарри Купалба.

— Гарри Сергеи-иԥа –ҳара даҳхаҭарнакуп – иҳәеит Преднесровиа ахада Вадим Красносельски.

Уи ауп дыззырдыруагьы, ихәмаршақә иарҳәеит.

Купалба иҳәеит Преднестровиа ԥасатәи ахада Игор Смирнов араҟа изныкымкәа дшааихьаз, Брехаловка аҭааҩцәеи иареи еицҭырхуаз афотоҭыхымҭақәа рзааишьҭхьеит. Адомино асыҩцәа уи асалам ирҭарц рҳәеит.

Егьырҭ адомино асыҩцәа днарыдгылеит Красносельски, дразҵааит ишыҟоу атәы.

"Преднестровиа — ҳара ҳаиашьаратә жәларуп", — иазгәарҭеит урҭ.

Анаҩс аделегациа акаҳуа ршны иахьырзыԥшыз аҭыԥахь инеит.

Амшын цәқәырԥон, аԥша хьшәашәагьы асуан, аха акаҳуа ԥха, аиҩызцәа реицәажәара уи анырра анаҭомызт. Асысцәеи аԥшәмацәеи еибырҳәо уаҳауамызт, аха иааиуаз ажәа ахҵәахақәа рыла еилукаартә иҟан рыуаажәларри, аҳәынҭқарратә усқәеи ишрылацәажәоз.

© Sputnik / Томас ТхайцукВизит президента ПМР Вадима Красносельского в Абхазию
Визит президента ПМР Вадима Красносельского в Абхазию - Sputnik Аҧсны
Визит президента ПМР Вадима Красносельского в Абхазию

Ажурналистцәагьы иҟалаз "аҭынчра" рхы иархәаны каҳуак ржәит. Акаҳуажәарҭа аԥшәма еиҭаиҳәеит асасцәа рааира атәы сааҭк шагыз ауп ианеиликаа, аха уи шьҭа дзышьцылахьоу ак ауп. Изныкымкәа арахь иааихьеит асас дахьцәа.

Sputnik акорреспондент изҵаара, иҷыдоу каҳуак шәыршыма ҳәа иҟаиҵаз аҿы, иҳәеит иара зегьы рзы еиԥшны акаҳуа ширшуа — атәыла данапхгаҩыз, ақалақь нхаҩыз.

Асасцәа акаҳуа ржәуан жәа минуҭк еиҳамкәа, анаҩс рмашьынақәа рахь рхы дырхеит, ирыцыз аӡәы ишыиҳәаз ала Афонҟа.

Ажәабжьқәа зегьы
0