22:22 22 Жьҭаара 2017
Аҟәа+ 14°C
Ишиашоу ицо аефир
Олег Барциц

Барцыц: Аԥсныи Евразиатәи аусутә еидгылеи аиқәшаҳаҭра рнапы аҵарҩит

© Sputnik / Томас Тхайцук
Аԥсны
Икьаҿу ахьарԥш аиура
11 0 0

Анапы зҵаҩу аиқәшаҳаҭра иалнаршоит Аԥснытәи аекспортиорцәа Евразиа имҩаԥысуа ахәаахәҭра иазку ауснагӡатәқәа рыҽрылархәра. Аиқәшаҳаҭра анапаҵаҩра мҩаԥысит агроааглыхратә цәыргақәҵа "Золотая осень 2017" аҳәаақәа ирҭагӡаны.

АҞӘА, жьҭаара 5– Sputnik, Бадраҟ Аҩӡба. Урыстәылатәи Афедерациаҟны иҟоу Аԥсны ахәаахәҭратә хаҭарнакреи Евразиатәи аусутә еидгылеи аиқәшаҳаҭра рнапы аҵарҩит. Анапы зҵаҩу аиқәшаҳаҭра иалнаршоит аԥснытәи аекспортиорцәа Евразиа имҩаԥысуа ахәаахәҭра иазку ауснагӡатәқәа рыҽрылархәра. Аиқәшаҳаҭра анапаҵаҩра мҩаԥысит агроааглыхратә цәыргақәҵа "Золотая осень 2017" аҳәаақәа ирҭагӡаны. Абри атәы ҳзеиҭеиҳәеит Аԥсны ахәаахәҭратә хаҭарнак Олег Барцыц.

"Аиқәшаҳаҭра аԥснытәи аекспортиорцәа иарбанызаалак ахәаахәҭратә плошьчадкақәа рахь рнеира иацхраауеит. Ҳаргьы иҳагәҭакуп Аԥсны ахәаахәҭра аҩны аԥҵара" — иҳәеит иара.

Барцыц иазгәеиҭеит аиқәшаҳаҭра иаарласны хра аманы иҟалап ҳәа агәыӷра шимоу.

Ахәаахәҭратә ҭыԥ амазаара иалнаршоит Аԥснытәи атауарқәа Урыстәыла адагьы егьырҭ атәылақәа рахь рыҭира. Абри ауп аиқәшаҳаҭра аҵакы хадагьы, иҳәеит инаҵшьны Олег Барцыц.

Олег Барцыц иҟаиҵаз адыррақәа рыла, сынтәа афорум инарҭбаау аусуратә программа алахәхараҿы акцент аҟаҵаразы аӡбамҭа рыдыркылеит, уи аҳәаақәа ирҭагӡаны Урыстәылатәи Афедерациа иҟоу Аҧсны ахәаахәҭратә Хаҭарнакреи Урыстәылатәии жәларбжьаратәии аструктурақәа жәпаки рыбжьара аиқәшаҳаҭра дуқәа рыбжьаҵара азҧхьагәаҭоуп.

Иара иажәақәа рыла иазыԥхьагәаҭоуп Урыстәыла ашьхааӡаҩцәа Рассоциациа анапхгареи дареи рыбжьара аиқәшаҳаҭра рыбжьаҵара.

"Ҳара иаҳҭахуп аԥсуа цха аекспорт аҟны аҭыԥ бзиа ааннакыло абара. Агәра згоит аԥснытәи ацха Урыстәылеиԥш егьырҭ атәылақәа рыҿгьы инарҭбааны ауааԥсыра ирыдаагало ишыҟало" — иҳәеит иара.

Барцыц иажәақәа рыла уажәы абри аганахь ала заанаҵтәи аилацәажәарақәа мҩаԥысуеит. Уи адагьы аԥснытәи ацхатә аалыҵ аинтерес ркит Мрагылара ааигәа атәылақәа жәпакы рҿы.

Аԥсны ацәыргақәҵа "Золотая осень" ахь инанагеит еиуеиԥшым аҭыԥантәи аалыҵ.

"Аҵыхәтәантәи аамҭазы Аԥсны русура хдыртит еиуеиԥшым анаплакқәа, зҟны аҩқәа, аӡқәа, ашәыр қашьқәа, аџьыка, ахаауҳәа. аекологиа цқьа ахаҭабзиара рыманы иҭзыжьуа" — иҳәеит иара.

Аҧснытәи аарыхыҩцәа ацәыргақәҵа ралархәхара аиҿкааҩцәа ракәны иҟоуп: Аҧсны Аҳәынҭқарра Анапхгара, Урыстәылатәи Афедерациаҿы иҟоу Аҧсны Аҳәынҭқарра ахәаахәҭратә Хаҭарнакра, Аҧсны Жәларбжьаратәи акультуратә-усуратә Центр.

Ацәыргақәҵа Мрагыларатәи Европа аҿы иреиҳаӡоу аусхкытә форумны иҟоуп, уи ҩажәа инареиҳаны адунеи атәылақәеи Урыстәылатәи Афедерациа арегионқәа зегьи рҟынтәи хыҧхьаӡара рацәала алахәылацәа аднаҧхьалоит.

Ихадоу атемақәа