23:46 11 Ԥхынҷкәын 2017
Ишиашоу ицо аефир
Пресс-конференция по итогам Чемпионата Абхазии по футболу

Аԥсны ачемпионат аихшьаалақәа рзы апресс-конференциа мҩаԥысит

© Sputnik / Томас Тхайцук
Аԥсны
Икьаҿу ахьарԥш аиура
13 0 0

Аԥсны ачемпионат аихшьаалақәеи ашьапылампыласыҩ Витали Дараселиа игәалашәара иазку ауснагӡатәқәа рымҩаԥгареи рзы апресс-конференциа мҩаԥысит Аҟәа, жьҭаара 6 рзы.

АҞӘА, жьҭаара 6 – Sputnik, Бадраҟ Аҩӡба. Апресс-конференциаҟны Аԥсны ашьапылампыл азы Афедерациа ахада Џьума Кәарацхьелиа иҳәеит ашьапылампыл азы Аԥсны ачемпионат даара еибарххарыла имҩаԥысит ҳәа.

"Аҵыхәтәантәи атурқәа ишьақәдыргылеит атәыла иачемпионхоз", — иҳәеит иара.

Кәарацхьелиа иажәақәа рыла ачемпионат иалахәыз акомандақәа ҩба "Афони" "Гагреи" ахәмарра зегь аан зныкгьы иаҵамхеит.

"Гагра" хәы-хәмаррак рҟны еиҭахеит, "Афон" ԥшьынтә изцыхәмаруаз иаҭахеит. Иара убри аан иҟоуп акомандақәа ампылқәа рацәаны изыцәҭашәаз. "Самырзаҟан" 18 тур рҟны 40 мпыл ацәҭашәеит, "Шахтиор" 53 мпыл ацәҭадыршәит, "Ерцахә" 35 мпыл ацәҭашәеит. Аха арҭ акомандақәа макьана иқәыԥшу командоуп. Ԥхьаҟа ақәҿиарақәа хымԥада ирзыԥшуп", — иҳәеит Афедерациа ахада.

Ачемпионат иалахәыз, афонтәи акоманда ахәмарыҩ, азыҟаҵаҩ Армен Капикиан иҿа иқәшаҳаҭхеит азыҟаҵара еиҳа ишыуадаҩу ахәмарра аасҭа. Армен Капикиан иазгәеиҭеит аҵыхәтәантәи ахәышықәса рзы "Афон" хынтәуп ачемпион ҳәа ахьӡ аиуеижьҭеи.

"Ҳусура алҵшәа бзиақәа ҳзаанашьҭит. Ҳахәмаррақәа рахь ақалақь ауааԥсыра шамахамзар инеиуан. Уи ҳара ҳгәы ҭнагон, еиӷьны ахаарԥшра ҳҭаххон" — иҳәеит Капикиан.

Армен Капикиан иара убасгьы игәы иаланы иҳәеит иахьа Аԥсны ачемпионат азы ахәмаррақәа ателехәаԥшрала иддырбом ҳәа.

"Ахәмаррақәа ддырбалозар, аҿар еиҳа иаднаԥхьалон абри аспорт хкы, ахәаԥшыҩцәагьы астадионқәа еиҳа иҭдырҭәаауан", — иҳәеит иара.

Афон Ҿыц ашьапылампыл ахьӡ ҭыган иҟоуп. 80-ҩык инареиҳаны ахәыҷқәа азыҟаҵарақәа рахь иныҟәоит. Аԥсны ачемпионат аихшьаалақәа рыла актәи аҭыԥ ааннакылеит аклуб "Афон", аҩбатәи – "Гагра", ахԥатәи – аҟәатәи "Нарҭ".

XXIV ашьапылампыл асразы Аԥсны ачемпионат иалахәын ашьапылампылтә командақәа жәаба: "Абазг", "Афон", "Гагра", "Динамо", "Ерцахә", "Нарҭ", "Риҵа", "Самырзаҟан", "Спартак", "Шахтер".

Ихадоу атемақәа