00:50 24 Ажьырныҳәа 2018
Ишиашоу ицо аефир
Репетиция спектакля Пастух и кот

"Ацгәи ахьчеи" ахәыԥшыҩ қәыԥш изыԥшуп: аԥсуа театр апремиера

© Sputnik / Томас Тхайцук
Аԥсны
Икьаҿу ахьарԥш аиура
13 0 0

Абҵара 14 рзы Аԥсуа адраматә театр аҟны идырбахоит апремиератә спектакль "Ацгәи ахьчеи".

Sputnik, Сариа Кәарацхьелиаԥҳа

Аԥсуа адраматә театр аҟны актиорцәа мызкы аахыижьҭеи аспектакль ҿыц аҽазыҟаҵара иаҿуп. Аспектакль ақәыргылара иалагеижьҭеи ҩынтә ахьӡ рыԥсахьхеит. Раԥхьаӡа "Адау дызфаз ацгәы" ҳәа иарбан, аха уажәы арежиссиор Алхас Шамба иӡбеит "Ацгәи ахьчеи" ахьӡыиҵарц.

"Сгәаанагарала "Ацгәи ахьчеи" еиҳа имариоуп агәынкыларазы", — иҳәеит иара.

Арежиссиор иажәақәа рыла, ақәыргыламҭа ҿыц ахәыҷқәа роуп изызкхо.

Авидеонҵамҭа шәахәаԥшыр ҟалоит абра>>

"Алакә ақәыргылара ҳаҿуп ахәыҷқәа рзы. Маҷк игәыгәҭыжьны иҳамоуп ҳахәаԥшцәа хәыҷқәа. Дара рзы макьана ҩба-хԥа спектакль ауп иҳамоу. "Ацгәи ахьчеи" ахәыҷқәа иргәаԥхап ҳәа сгәы иаанагоит", — дгәыӷуеит Алхас Шамба.

Иқәыԥшу актиорцәа рдебиут

Аспектакль ҿыц арбахоит иҿыцу актиорцәа рыла. Сынтәа Петербургтәи Аҳәынҭқарратә университет иалганы иааит актиор қәыԥшцәа. "Ацгәи ахьчеи" дара рзы ираԥхьатәиу спектакль ауп.

Репетиция спектакля Пастух и кот
© Sputnik / Томас Тхайцук
Репетиция спектакля "Пастух и кот"

"Актиорцәа ҿарацәеи ҳареи усҟак ҳзеибадыруамызт. Аусура цонаҵы еиҳа-еиҳа ҳаишьцылеит. Иахьатәи аамҭазы зегьы ҭышәынҭалоуп ҳәа сгәы иаанагоит. Рԥышәа хәыҷы-хәыҷла иазҳашт. Зегь реиҳа ихадоу, агәаҳәара ду, урҭ ирымоуп", — азгәеиҭеит арежиссиор.

Адекорациеи акостиумқәеи еиқәлыршәоит асахьаҭыхҩы Диана Допуаԥҳа. Уажәазы адекорациақәа рышәра иаҿуп, акостиумқәа ракәзар — аӡыхра. Арежиссиор излазгәаиҭаз ала, аусурақәа иаарласны ихыркәшахоит.

"Ҳара ҳҽазаҳшәеит асценаҟны амаҭәарқәа рацәамкәа, аха убри аамҭазы ахәыҷқәа рзы игәырҿыӷьганы игәыԥҵәаганы иҟамларцаз", — иҳәеит Алхас Шамба.

Арежиссиор иажәақәа рыла, ақәыргыламҭа лахҿыхуп, ахәыҷқәа ргәалаҟазаара шьҭнахуеит.

"Асиужет макьана иаасыртыр сҭахым, имаӡазааит. Акызаҵәык — афырхаҵа хада, ацгәоуп ", — иазгәеиҭеит Шамба.

"Ацгәи ахьчеи" ахәаԥшцәа ирбар рылшоит абҵара 14 рзы. Раԥхьаӡакәны аԥсуа сценаҟны иара ықәыргылан 2002 шықәсазы.

Ихадоу атемақәа