Аԥсны имҩаԥысуеит аҟазара афестиваль

© Sputnik / Артем Житенев / Амедиаҵәахырҭахь аиасраКруговая панорама на ВВЦ
Круговая панорама на ВВЦ - Sputnik Аҧсны
Анапаҵаҩра
Молдоватәи Ареспубликаҿы есышықәса имҩаԥысуеит аҟазара Афестиваль. 2017 шықәса рзы афестиваль иалахәхоит Аԥсынтәылагьы

АҞӘА, жьҭаара 25– Sputnik, Сариа Кәарацхьелиаԥҳа. Аамҭақәа акыр рышьҭахь Аԥсныҟа иаагахоит урыстәылатәи акино иҳәеит Sputnik акорреспондент дзыҿцәажәоз, афестиваль аиҿкааҩ Владимир Пирожок.

"Жьҭаара 27-29 рзы изҭаху зегьы рхы аладырхәыр рылшоит афестиваль "Свидание с Россией". Иара акрааҵуан Аԥсны имҩаԥымсижьҭеи. Уажәы арахь ихынҳәит урыстәылатәи арҿиара, урыстәылатәи акино", — иҳәеит иара.

Аиҿкааҩ иажәақәа рыла афестиваль хықәкны иамоуп Аԥсни Урыстәылеи иаку акультуратә ҵакыра шеицрымоу атәы.

"Ҳара иаадыруеит Аԥсны аурыс культурахь абзиабара ду шаадырԥшуа. Ҳәарада, Аԥсни Урыстәылеи еиднаҳәалоит акыр аҭоурых змоу акультуратә еинырра, аҭоурых, аигәылара, аимабзиара, азеиԥш иааирақәа, аицхыраара. Аҩ-тәылак реизааигәахара ԥсабаратәла иҟалаз акоуп. Урыстәылоуп раԥхьаӡа Аԥсны ахьыԥшымра азхазҵаз, Аԥсны адгылара иахьагьы иазҭо. Ҳфестивальгьы ззырхоу ҳтәылақәа рыбжьара аинырреи аилибакаареи еиҳагьы рырҿиароуп", — иҳәеит Пирожок.

Иажәақәа рыла аԥсуа хәаԥшҩы илшоит иҿыцу, 2017 шықәса рзы иҭыжьу, аурыс хәаԥшыҩгьы макьаназ иимбац афильмқәа рбара.

Афильмқәа дырбахоит Аҟәа иҟоу Москва Аҩнаҟны, Аԥснытәи Аҳәынҭқарратә филармониаҟны, Гәылрыԥшь Акультура Ахан аҟны. Афестиваль аартра ацеремониа мҩаԥысуеит Ражьден Гәымба ихьӡ зху Аԥснытәи Аҳәынҭқарратә филармониаҟны жьҭаара 28 асааҭ 14.00 рзы. Уи аҳәаақәа ирҭагӡаны ҳара иазырхианы иҳамоуп аԥсуа хәаԥшҩы изы асиурпризқәа иҳәеит аиҿкааҩ.

"Раԥхьаӡа акәны Аԥсны идҳарбоит Евгени Дога изку афильм "Вселенная Маэстро" апремиера. Апремиера мҩаԥгахоит Ражьден Гәымба ихьӡ зху Аԥснытәи Аҳәынҭқарратә филармониаҟны жьҭаара 28 асааҭ 16.00 рзы. Иара убасгьы жьҭаара 29 рзы имҩаԥгахоит Фазиль Искандер игәалашәара иазку ахәылԥаз", — иҳәеит Пирожков.

Афестиваль аркра аныҳәатә уснагӡатә мҩаԥысраны иҟоуп жьҭаара 29 асааҭ 19.30 рзы.

Акиносеансқәеи арҿиаратә хәылԥазқәеи ахрылархәра рылшоит изҭаху зегьы. Аҩналара хәыда-ԥсадоуп.

Афестиваль жәларбжьаратәи аҟазшьа амоуп. Иара есышықәса имҩаԥысуеит Молдоватәи Ареспубликаҿы.

Жәларбжьаратәи аинформациатә маҵзуреи арадиои Sputnik Аԥсны имҩаԥысуа афестиваль "Свидание с Россией" информациатә партниорны иҟоуп.

Ажәабжьқәа зегьы
0