Арӡынба: Аԥснынтә Урыстәылаҟа игахоит 600 нызқь тонн абӷанҷи аԥсламӡи

© Sputnik / Томас ТхайцукVIII Абхазо-российский деловой форум
VIII Абхазо-российский деловой форум - Sputnik Аҧсны
Анапаҵаҩра
Жьҭаара 27 рзы Аҟәа ақалақь аҿы аусура иаҿуп VIII Аԥсны- Урыстәылатәи аусутә форум. Афорум аиҿкааҩцәа – Урыстәылатәи Афедерациа аекономикатә ҿиара Аминистрреи Аҧсны аекономика Аминистрреи.

АҞӘА, жьҭаара 27 – Sputnik, Бадраҟ Аҩӡба. Аԥснынтә Урыстәылаҟа игахоит 600 нызқь тонн абӷанҷи аԥсламӡи, абри атәы иҳәеит Аԥсны аекономика аминистр Адгәыр Арӡынба абрифинг аҿы.

VIII Аԥсны- Урыстәылатәи аусутә форум аҳәаақәа ирҭагӡаны нап аҵаҩҩын аиқәшаҳаҭра абӷанҷи аԥсламӡи Урыстәылаҟа ашьҭразы.

Восьмой Абхазо-российский деловой форум в Сухуме - Sputnik Аҧсны
Ҳаџьымба: Аԥсны азыхиоуп Урыстәылатәи Афедерациа аекономика аус ацура

"Ари раԥхьатәи шьаҿоуп, сгәы иаанагоит ари азҵаара иақәҿырҭып егьырҭ аԥсуа хеилакқәагьы. Акыр шықәса ҵуан ари аџьырмыкьахь ҳцәырҵырц ҳҭахыижьҭеи", — иҳәеит аминистр.

Абӷанҷи аԥсламӡи ргаразы зегьы мазеиоуп, иаахәоуп амаругақәа, иаарласны урҭ шьақәыргылахоит, иазгәаиҭеит Арӡынба.

Аргыларазы ихәарҭоу амаҭәахәқәа ргара ҳалагоит ари ашықәсазы. Ҳаалыҵ ахаҭабзеирагьы ахәгьы бзиоуп, сгәы иаанагоит аҳәаа иахыгахо ҳаалыҵ амҽхак иаҳа-иаҳа иацлап ҳәа", — инаҵишьит Аԥсны аекономика аминистр.

Афорум- аиҿцәажәаразы ҭыԥ бзиоуп, абаар шьҭа аантәуп уи аус ауеижьҭеи, ари аамҭа иалагӡаны иҟаҵоу маҷым.

Иара иазгәаиҭеит афорум есааира амҿхак аҽшарҭбаауа, алҵшәагьы иаҳа ишеиӷьхаз, аиҳарак хшыҩзышьҭра аҭоуп аусдкылареи, аинвестициа аиӷьтәреи.

2009 шықәса рзы имҩаԥысыз актәи афорум ашьҭахь Аԥсныи Урыстәылеи рыбжьара атауарқәа реиҟәшара хынтәи бжаки иацлеит, иҳәеит Арӡынба.

Восьмой Абхазо-российский деловой форум в Сухуме 27 октября 2017 года - Sputnik Аҧсны
VIII Аԥсны-Урыстәылатәи аусутә форум аатит Аҟәа

"Урыстәылатәи аинвестициақәа ирыбзоураны зусура хацнаркыз анаплаккәа рахь ҳнеиран ҳаҟоуп. Сақәгәыӷуеит афорум шықәсы рацәала аус аулап ҳәа", — иҳәеит аекономика аҿиаразы аминистр ихаҭыԥуаҩ, аҳәынқарратә мазаразы аусбарҭа афедералтә агентра анапхгаҩы Дмитри Пристансков. Иара иациҵеит Ульиановсктәи амашьыназауад аҟнытә амаҭәахәқәа раагара ргәы ишҭоу.

Атауарқәа реиҟәшараҿы зегь раԥхьа игылоуп ауаҩы ибазазаразы ихәарҭоу, аха убри адагьы иаҭахуп аминиралтә ахимиатә аалыҵқәеи, атранспорти уҳәа", — иҳәеит Пристансков.

Жьҭаара 27 рзы Аҟәа ақалақь аҿы VIII Аԥсны- Урыстәылатәи аусутә форум аус ауеит. Афорум аиҿкааҩцәа – Урыстәылатәи Афедерациа аекономикатә ҿиара Аминистрреи Аҧсны аекономика Аминистрреи

Ажәабжьқәа зегьы
0