06:40 24 Абҵара 2017
Ишиашоу ицо аефир
Морские пехотинцы Тихоокеанского флота РФ и военнослужащие специального подразделения Вооруженных Сил Индии на десантном полигоне Клерк

Аладатәи арратә округ аррамаҵзурауаа рҽазыҟарҵон

© Sputnik. Vitaliy Ankov
Аԥсны
Икьаҿу ахьарԥш аиура
4 0 0

Аполигон "Гәдоуҭа" абнара иахьаду аҭыԥ аҿы Аԥсны иҟоу Урыстәыла Аладатәи арратә округ аррамаҵзурауаа аекстремалтә ҭагылазаашьа аан ахеиқәырхашьа рҽазыҟарҵон.

АҞӘА, абҵара 6 – Sputnik. Арратә ԥшыхәыҩ Имш аныҳәа аҳәаақәа ирҭагӡаны аполигон "Гәдоуҭа" абнара иахьаду аҭыԥ аҿы Аԥсны иҟоу Урыстәыла Аладатәи арратә округ аррамаҵзурауаа аекстремалтә ҭагылазаашьа аан ахеиқәырхашьа рҽазыҟарҵон, абри атәы аанацҳаит Аԥсны иҟоу Урыстәыла Аладатәи арратә округ апресс-маҵзура.

"Аполигон "Гәдоуҭа" абнара иахьаду аҭыԥ аҟны аррамаҵзурауаа еиҿыркааит ацивилизациа иацәыхароу аҭагылазаашьаҟны ахеиқәырхашьақәа рырбара" ҳәа аҳәоит апресс-маҵзура адырраҭараҟны.

Ахархәагақәа зегьы аррамаҵзурауаа ирԥыхьашәаз аматериалқәа рыла еибырҭеит.

Аӡы аизгареи аԥшаареи рырбараан аӡытә фильтрқәа ахархәара рыҭан, афатә аиуразы ашьацҳәақәа дыргылеит, уахынла аԥхьаразы ақьалақәа дыргылеит.

"Ауснагӡатә амҩаԥысраан арратә база аԥшыхәратә ҟәша аинструктор еиҭеиҳәеит аҭыԥ аҟны амҩаԥшаашьа, ииашаны абнараҿ ахымҩаԥгашьа. Ауснагӡатә хықәкны иамоу аррамаҵзурауааи урҭ рҭаацәарақәа рлахәылацәеи аекстремалтә ҭагылазаашьаан ахахәашьа аҵароуп", — ҳәа аҳәоит адырраҭараҿы.

Ихадоу атемақәа