06:30 24 Абҵара 2017
Ишиашоу ицо аефир
Весы Фемиды, наручники и судейский молоток

Адгәыр Кәыҵниа 12 шықәса иқәырҵеит

© Fotolia/ Dianaduda
Аԥсны
Икьаҿу ахьарԥш аиура
3 0 0

Адгәыр Кәыҵниа Роман Жьиба дахьишьыз иахҟьаны 12 шықәса иқәырҵеит. Ауаҩшьра ҟалеит 2017 шықәса ажьырныҳәа 6 рзы.

АҞӘА, абҵара 8 – Sputnik. Аԥсны Иреиҳаӡоу Аӡбарҭа ашьаус азы аӡбарҭатә коллегиа аӡбрала Адгәыр Кәыҵниа Роман Жьиба дахьишьыз иахҟьаны 12 шықәса иқәырҵеит. Абри атәы аанацҳауеит Аԥсны Апрокуратура Хада апресс-маҵзура.

Адгәыр Кәыҵниа арҭ ашықәсқәа бахҭала ихигоит.

"Адгәыр Кәыҵниа ахара идҵоуп иашьа Кәыҵниа Саҭбеи Михаил-иԥа Очамчыра араион Ӷәада ақыҭан 2016 шықәса ԥхынҷкәын 30-31 рзы иашьа иԥа Кәыҵниа Беслан Рамин-иԥа ишьра зуз рахьырхәра игәы ишҭаз дыруа Кәыҵниа Саҭбеи ашьоура ицымҩаԥгара дахьақәшаҳаҭхаз азы", — ҳәа аҳәоит адырраҭараҟны.

Аӡбарҭа ишьақәнарӷәӷәеит 2017 шықәса ажьырныҳәа 6 рзы Адгәыр Кәыҵниеи Саҭбеи Кәыҵниеи ишьақәыргылам егьырҭ ахаҿқәеи Очамчыра араион Ӷәада ақыҭан, ишьу Роман Жьиба иҭыӡҭыԥ ахь ишнеиз.

"Роман Жьиба, уаанӡа ишьыз Кәыҵниа Беслан, дшыршьызи дахьжуи ҳауҳәароуп ҳәа, иара Роман Жьиба ихаҭа дақәшаҳаҭны, иҩнаҟынтәи дыргеит машьынала (ВАЗ-2106). Амашьына аԥсҟы икын Саҭбеи Кәыҵниа" ҳәа арбоуп Апрокуратура Хада адырраҭараҟны.

Иара убри амш азы Аҟәатәи аԥсыжырҭа иахьаҵанакуа аҭыԥ аҟны Роман Жьиба дшьын.

Роман Жьиба, Беслан Кәыҵниа дахьжыз анышәынҭра дахаргыланы, абинзин иқәҭәаны амца идыркит. Убри ашьҭахь автоматла ԥшьынтә иехсын. Роман Жьиба иҭыԥ аҟны иԥсҭазаара далҵит.

Аусбарҭа асаит аҟны иарбоуп ашьаус атекст нагӡа.

Ихадоу атемақәа