18:07 20 Абҵара 2017
Аҟәа+ 21°C
Ишиашоу ицо аефир
Турнир по вольной борьбе имени Муссы Экзекова прошел в Гудауте

Мусса Екзеков ихьӡ зху атурнир мҩаԥысит Гәдоуҭа

© Фото: Аида Хонелия
Аԥсны
Икьаҿу ахьарԥш аиура
7 0 0

Аорден Ахьӡ-аԥша II аҩаӡара занашьоу, амеценат Мусса Екзеков ихьӡ зху зхы иақәиҭу ақәԥаразы VI Жәларбжьаратәи атурнир еизнагеит шәҩык рҟынӡа аспортсменцәа.

АҞӘА, абҵара 13– Sputnik, Бадраҟ Аҩӡба. Жәларбжьаратәи атурнир мҩаԥысуан абҵара 9 — 10 рзы Гәдоуҭатәи ахәыҷтәы спорттә школ аҟны ҳәа Sputnik акорреспондент изааицҳаит Аԥсны зхы иақәиҭу ақәԥаразы Афедерациа аиҳабы, аспорттә клуб "Абаза" адиректор Леонид Боџьгуа.

"Атурнир иалахәын еиуеиԥшым акапанқәа рҟны Адунеии Европеи рчемпионцәа", — иҳәеит Леонид Боџьгуа.

Мусса Екзеков ихьӡ зху атурнир иалахәын 14 — 17 шықәса зхыҵуа аспортсменцәа.

"Акомандатә қәгылараҟны атурнир аҿы аиааира ргеит Аԥснытәи акоманда", — иҳәеит Леонид Боџьгуа.

Иара иажәақәа рыла иахьатәи аамҭазы зхы иақәиҭу ақәԥара иалахәуп Аԥснытәи ахәыҷқәа зықьҩык инарзынаԥшуа.

Мусса Екзеков ихьӡ зху зхы иақәиҭу ақәԥаразы атурнир фынтәуп имҩаԥысуеижьҭеи. Есышықәса иара рхы аладырхәуеит Ҟабарда-Балкариа, Ҟарачы-Черқьесск, Чечниа, Даӷьесҭан ареспубликақәа, Краснодартәи атәылаҿацә, Ростовтәи аобласт уҳәа рҟынтәи аспортсменцәа.

Ихадоу атемақәа