18:02 20 Абҵара 2017
Аҟәа+ 21°C
Ишиашоу ицо аефир
Особая экономическая зона Дубна

Аҳақьым: Аԥсны ашьақарчымазара еиҳа-еиҳа иҿкуа иалагеит

© Sputnik. Виталий Белоусов
Аԥсны
Икьаҿу ахьарԥш аиура
3 0 0

Ашьақарчымазара аҿагылара Амш аҽны аҳақьым-аендекренолог Нана Аргәынԥҳа радио Sputnik Аԥсны аинтервиу аҭо илҳәеит уи Аԥсны иахьынӡалаҵәо атәы.

АҞӘА, абҵара 14– Sputnik, Бадраҟ Аҩӡба. Аԥсны еиҳа-еиҳа ирацәахо иалагеит ашьақарчымазара змоу ауаа лҳәеит аҳақьым-аендекренолог Нана Аргәынԥҳа радио Sputnik Аԥсны аинтервиу аҭо.

"Аԥсны иҟоу аҭагылазаашьа егьырҭ аҭыԥқәа ирылаҩашьом. Адунеи аҿы ашьақарчымазара ҿкык аҳасаб аиуит. Аофициалтә дыррақәа рыла ари ачымазара змоу ҳәа ашәҟәы иҭагалоуи изыхьуаҵәҟьеи хыԥхьаӡарала еиқәшәом, избанзар зегьыҵәҟьа аҳақьымцәа рахь идҵаалом", — лҳәеит аҳақьым.

Ачымазара иаразнакы ахы унарбом, иара зыхьуагьы аҳақьымцәа рахь инеиуам.

"Аҳақьым иахь аиҳарак ианнеиуа ачымазара анрылаҽлак ауп. Иара ахҟьа-ԥҟьақәа рацәоуп" ҳәа азгәалҭоит Аргәынԥҳа.

"Раԥхьа иргыланы иазхьаԥштәуп аҿыҵа абаар, ацәеижь рыгхара, афҩыбааԥс аҿыҵышәшәара. Абарҭқәа раан хымԥада ацхыраара иашьҭалатәуп", — лҳәеит Аргәынԥҳа.

Аха иара убри аан арҭ аҟазшьақәа рыҽцәыррымгаргьы ауеит. Уи ауаҩы дажьоит. Аҳақьым ишылҳәо ала ашьақарчымазара ахкқәа амоуп.

Ашьақарчымазара аҿагылара адунеизегьтәи Амш есышықәса иазгәарҭоит абҵара 14 рзы. Абри амш аҽны диит канадатәи аҳақьым, афизиолог Фредерик Бантин.

Фредерик Бантини Чарльз Бести 1922 шықәса рзы ирхәыцит ашьақарчымазара ахәшә – инсулин.

Ихадоу атемақәа