11:23 15 Ԥхынҷкәын 2017
Ишиашоу ицо аефир
Самшит

Бзыԥтәи аиҩхааҿы ашыц еиқәхеит

© Sputnik. Томас Тхайцук
Аԥсны
Икьаҿу ахьарԥш аиура
8 0 0

Аԥсны Аҳәынҭқарра аҵиаақәа хылаԥшра рыҭаразы аҳәынҭқарратә инспекциа абҵара 30 рзы 25 шықәса ахыҵит.

АҞӘА, ԥхынҷкәын 1– Sputnik, Бадраҟ Аҩӡба. Бзыԥтәи аиҩхааҿы ашыц аиқәырхара ҳалҳаршеит. Уи ианаамҭаз амцаԥшьхәаҷа иаҿагылоу ауснагӡатәқәа ахьымҩаԥаагаз ауп изыхҟьаз, иҳәеит радио Sputnik Аԥсны аинтервиу аҭо, Аԥсны Аҳәынҭқарра аҵиаақәа хылаԥшра рыҭаразы аҳәынҭқарратә инспекциа аиҳабы Аркади Џьынџьиа.

"Ҳәарада ҳара ашыц ахьыҟоу зегьы аус адулара ианаамҭаз иаҳзахьымыгӡеит", — иҳәеит иара.

Высажена в теплицу первая тысяча саженцев самшита
© Фото: Эко Апсабара

Акарантинтә инспекциа аҿаԥхьа иус хаданы иҟоу аҵиаақәа еиуеиԥшым ахәаҷақәа рҟынтәи рыхьчароуп иҳәеит Џьынџьиа.

"Ҳаамҭа иақәшәо ахәшәқәҭәагақәа ҳамазар ҳусура еиҿыркаауан. Уажәы ҳусбарҭаҿы аус руеит шәҩык рҟынӡа ауааԥсыра", — иҳәеит иара.

Џьынџьиа еиҭеиҳәеит 2014 шықәса раахыс аусбарҭа имҩаԥнаго аусурақәа ртәы.

"Ҳара зыхьчара аҭахны иҟоу аобиектқәа 50 рҟынӡа ҳамоуп. Ишәгәалашәоит, шықәсқәак раԥхьа америкатәи аԥырԥалыкь ҳаман. Иара убасгьы ицәырҵны иҟан апатырџьантә хәаҷа, аха иара аҽарҭбаанӡа ҳусзуҩцәа иалдыршеит ақәгара", — ҳәа еиҭеиҳәеит аинспекциа аиҳабы.

Иахьатәи аамҭазы аҳәынҭиспекциаҟны аус руеит зус бзианы издыруа азанаҭуаа.

Ихадоу атемақәа