15:44 16 Ԥхынҷкәын 2017
Аҟәа+ 14°C
Ишиашоу ицо аефир
Торжественная часть конференции 90-летие НИИЭПиТа

ААУ аректор: аҵарадырра ҳџьынџьуаа еидызкыло милаҭтә идеиахароуп

© Sputnik / Томас Тхайцук
Аԥсны
Икьаҿу ахьарԥш аиура
1120

VII Адунеизегьтәи аԥсуа-абаза конгресс аизара ду Аҟәа имҩаԥыслоит ԥхынҷкәын 7 инаркны 10-нӡа.

Аҟәа, ԥхынҷкәын 7 — Sputnik, Амра Амҷԥҳа. Аҵарадырра ҟалароуп ҳџьынџьуаа еидызкыло милаҭтә идеианы. Абри атәы иҳәеит Аԥсуа ҳәынҭқарратә университет аректор Алеко Гәарамиа VII Адунеизегьтәи аԥсуа-абаза конгресс аҿы иқәгылараан.

Гәарамиа иажәақәа рыла, иахьа аҵараиурҭаҿы еиуеиԥшым афакультетқәа иҭоуп 32 студент Ҭырқәтәыла, Шьамтәыла, Иорданиа атәылақәа рҟынтә.

"Аџьынџьтәылатә еибашьра алагамҭаз урҭ рхыԥхьаӡара 50-ҩык иреиҳан. Аӡәырҩы Ҭырқәтәылантәи Аԥсуа ҳәынҭқарратә университет иалгеит, — игәалаиршәеит аректор. – Ҳџьынџьуаа рыԥсадгьыл ахь ихынҳәыр ҳҭахызар, раԥхьаӡа иргыланы аҿар адҳаԥхьалароуп. Аҵара ҵаны рҭаацәа рахь ианыхынҳәлак, реиҳабацәа ирзеиҭарҳәоит Аԥсны шыҿио, ара анхара шауа, ара ишыҟазар аку ԥсыуас зхы зыԥхьаӡо".

Гәарамиа иҳәеит иаҭахны ишыиԥхьаӡо аҿар еидызкыло аԥсуа-абаза Ацентр аԥҵара.

Аректор еиҭеиҳәеит, аҳәынҭқарратә бызшәа аҿиаразы ААУ аҿы аус шадыруло акомпиутертә технологиақәа аԥсуа бызшәахьы аиагаразы.

VII Адунеизегьтәи аԥсуа-абаза конгресс аизара ду Аҟәа имҩаԥыслоит ԥхынҷкәын 10-нӡа.

Ихадоу атемақәа