11:22 15 Ԥхынҷкәын 2017
Ишиашоу ицо аефир
Вадиму Хинтба вручили благодарственное письмо от имени министра природных ресурсов и экологии России Сергея Донского и памятную грамоту Всемирного фонда дикой природы в четверг 7 декабря

Абжьас аанызкылаз Лхаа аҳамҭа ранашьоуп

© Sputnik. Бадри Есиава
Аԥсны
Икьаҿу ахьарԥш аиура
22 0 0

Азиаԥхьатәи абнатә ԥстәқәа иреиуоу, аԥсабараҿы шамахамзар иуԥымло абжьас каҭала иааникылеит Аԥсны атәылауаҩ. Абри ашьҭахь иаразы ҷыдала еибырҭаз аихатә кәыцҳа иҭартәаны Кавказтәи абжьасқәа реиҭашьақәыргыларатә Центр ахь ирышьҭит.

ГӘДОУҬА, ԥхынҷкәын 8 – Sputnik, Бадри Есиава. Вадим Хынҭәбеи игәылацәеи, абжьас аанкылара зылзыршаз ирзаашьҭын Урыстәыла аекологиеи аԥсабаратә ресурсқәеи рминистр Сергеи Донскои иҟынтәи аҳаҭыртә шәҟәыи абнатә ԥсабара Адунеизегьтәи афонд аҟынтәи агәаларшәагатә ҳамҭақәеи.

"Урыстәыла аекологиеи аԥсабаратә ресурсқәеи рминистрра анапхгара ахьӡала ҭабуп ҳәа шәасҳәар сҭахуп имҩаԥыжәгаз аус гәыҳалал азы", — иҳәеит иааҳакәыршаны иҟоу аԥсабара ахьчара аусхк аҭышәныртәалареи аҳәынҭқарратә политикеи рдиректор ихаҭыԥуаҩ Рустам Рабаданов.

Вадиму Хинтба вручили благодарственное письмо от имени министра природных ресурсов и экологии России Сергея Донского и памятную грамоту Всемирного фонда дикой природы в четверг 7 декабря
© Sputnik. Есиава Бадри
Вадиму Хинтба вручили благодарственное письмо от имени министра природных ресурсов и экологии России Сергея Донского и памятную грамоту Всемирного фонда дикой природы в четверг 7 декабря

Иара иазгәеиҭеит Урыстәылатәи азанааҭуаа ҩышықәса инарзынаԥшу абжьасқәа абнатә ԥсабарахь ркылгаразы аусурақәа шымҩаԥыргоз, Аԥсны атәылауаа абас еиҷаҳарыла абнатә ԥстәы иахьазныҟәаз даара ҳаҭыр шақәиҵо.

Гәдоуҭа араион Ахада Руслан Ладариа иазгәеиҭеит абжьас еиԥш иҟоу аԥстәы Аԥсны иахьаҵакыроу ацәырҵра оумашәа иубаша хҭысны ишыҟоу. Иара иҳәеит Лыхны ауааԥсыра аԥсабара аҳ ҳаҭырқәҵарыла разнеира ус дуны ишибо.

"Ишырҳәаз ала Кавказтәи ашьхақәа рҟны аҽа ҩ-бжьаск абнара илоуп. Иҳамԥыхьашәар, урҭгьы аԥхьатәи аиԥш кьыс рымамкәа иахьырҭыԥу инаагоит", — иҳәеит Ладариа.

Кавказтәи аҳәырԥсарра адиректор Сергеи Шевелев иҳәеит иара ишигәалашәо ала абжьас ахҭыс аҩыза уаанӡа иҟамлацызт. Инаҵшьны иазгәеиҭеит Вадим Хынҭәбеи иара иҩызцәеи даара гәцаракрала абнатә ԥстәы ишазнеиз.

Вадим Хынҭәба иҳәеит дфырхаҵаны ихы шимбо.

"Сара абри зегьы агәахәара ду снаҭоит, аха иара убри аан сфырхаҵоуп ҳәа сҳәом. Дарбанызаалакгьы аԥсабара кьыс амамкәа азныҟәара ихәҭоуп ҳәа исыԥхьаӡоит", — иҳәеит иара.

Абҵарамза 2016 шықәса рзы Шәачатәи апитомник аҟынтәи аԥсабарахь иоушьҭыз, Азиаԥхьатәи абнатә ԥстәқәа иреиуоу, аԥсабараҿы шамахамзар иуԥымло абжьасқәа хԥа руак Лыхны ақыҭаҿы иааныркылеит. Иара Кавказтәи аҳәырԥсарраҟынтәи илбааны ауаа рахь икылсит. Иара аҭыԥантәи анхаҩы каҭала икит. Уи ашьҭахь иаразы ҷыдала еибырҭаз аихатә кәыцҳа иҭартәаны Кавказтәи абжьасқәа реиҭашьақәыргыларатә Центр ахь ирышьҭит.

"Аветеренартә маҵзурақәа азымҩаԥгатәуп абжьас. Ишыҟоу аҭагылазаашьа ҭҵааны, насоуп уи абнарахь иоуҳашьҭуоу иоуҳмышьҭуоу азҵаара аҭак анышьақәҳаргыло. Агәаҭарақәа абжьас ауаа ишырцәымшәо шьақәдырӷәӷәар, шьҭахьҟа абнарахь иаҳзыргьыжьуам, избанзар иара ԥхьаҟагьы ауаҩԥсы дахьынхо аҭыԥқәа рахь инеиуа иалагоит", — иҳәеит Рустам Рамаданов.

Абри аус дадиԥхьалеит Вадим Хынҭәбагьы.

2016 шықәса рзы Шәачатәи апитомник аҟынтәи аԥсабарахь иоушьҭын Азиаԥхьатәи абнатә ԥстәқәа иреиуоу, аԥсабараҿы шамахамзар иуԥымло абжьасқәа хԥа: Ахун, Килли, абжьас аԥс Викториа.

Ари абжьасхкы уаанӡа Нхыҵ Кавкази Амшын Ҟаԥшьии, Босфор инаркны Индианӡеи иахьрыбжьаркуаз иуԥылон. Аха XX ашәышықәсазы иара аҵакыра аҽеиҭанакит. Иахьазы Кавказ шамахамзар иуԥылаӡом. Иара иӡыр зылшо аԥстәы хкы ҳәа Ашәҟәы ҟаԥшь ианҵоуп.

Азиаԥхьатәи абжьас ахкы аиҭашьақәыргылара апрограмма даԥшьгаҩуп Владимир Путин.

Леопард в селе Лыхны
© Sputnik / Томас Тхайцук
Леопард в селе Лыхны

Ихадоу атемақәа