23:38 20 Ажьырныҳәа 2018
Ишиашоу ицо аефир
Каратисты

Аԥсуа каратистцәа амедалқәа рыҩныҟа иааргеит

© Sputnik / Томас Тхайцук
Аԥсны
Икьаҿу ахьарԥш аиура
4 0 0

Тула, ԥхынҷкәын 9 - 10 рзы имҩаԥысуан урыстәылазегьтәи аицлабра астильрацәатә карате азы. Уахь инеиит Урыстәыла арегионқәа 23 рыспортсменцәа.

АҞӘА, ԥхынҷкәын 15 – Sputnik, Анжелика Бениаԥҳа. Тула ақалақь аҟны, ԥхынҷкәын 9 — 10 рзы имҩаԥысуан урыстәылазегьтәи аицлабра астильрацәатә карате азы. Уахь инеиит Урыстәыла арегионқәа 23 рыспортсменцәа. Аԥсуа каратистцәа амедалқәа рыҩныҟа иааргеит.

Ачемпионат иалахәын 500-ҩык акаратистцәа, Урыстәыла арегионқәа 23 рҟынтә. Аԥснытәи акоманда ахьӡала иқәгылан Аҟәа ақалақь Ахадара аҿари аспорти рызҵаарақәа рзы Аилак карате асекциа аспортсменцәа.

Имҩаԥгаз ақәгыларақәа реихшьаалақәа рыла аԥсуа каратистцәа иааныркылеит аԥыжәаратә ҭыԥқәа ҳәа азгәеиҭеит Аҟәа ақалақь Ахадара аҿари аспорти рызҵаарақәа рзы Аилак аҟазауаҩ.

Ачемпионат иалахәыз акомандақәа зегь рахьтә аԥснытәи акоманда аԥыжәаратә ҭыԥқәа анашьахеит. Ҳаспортсменцәа Аԥсныҟа иааргеит ахьтәы медалқәа хәба, араӡны медалқәа хәба, аџьаз медалқәа ҩба ҳәа ааицҳаит азыҟаҵаҩ Ахра Абыхәба.

Тулатәи аицлабрақәа мҩаԥысуан карате-до Шотокан Казе Ха адунеитә чемпионат аламҭалаз (2018 Мексика, Мерида).

15-шықәса зхыҵуаз Лаша Ченгелиа, кумите аҟны 1 аҭыԥ ааникылеит, ката аҟны — 2 аҭыԥ.

Акаратист иазгәеиҭеит ақәгыларақәа шымариамыз, аха аинтерес шрыҵаз.

Тула, ԥхынҷкәын 9 — 10 рзы имҩаԥысуан урыстәылазегьтәи аицлабра астильрацәатә карате азы. Уахь инеиит Урыстәыла арегионқәа 23 рыспортсменцәа.

Аицлабра еиҿыркааит Урыстәыла аспорт аминистрреи, карате хкырацәалатәи астиль Афедерациеи, карате-до Шотокан Казе Ха афедерациеи.

Ихадоу атемақәа