Апарламент Аконституциатә ӡбарҭа ахәбатәи аӡбаҩ далнахуеит

CC0 / / Статуя богини правосудия Фемиды с весами
Статуя богини правосудия Фемиды с весами - Sputnik Аҧсны
Анапаҵаҩра
Аԥсны Аконституциатә ӡбарҭа, Жәлар Реизара адепутатцәа иалырхуа хәҩык аӡбаҩцәа рыла ишьақәгылазароуп.

АҞӘА, ажьырныҳәа 22 – Sputnik, Бадраҟ Аҩӡба. Иааиуа амчыбжь азы Жәлар Реизараҟны далырхроуп ахәбатәи аӡбаҩ иҳәеит Sputnik аинтервиу азҭаз Апарламент аиҳабы Валери Кәарҷиа.

"Акандидатурақәа ҩба рҟынтәи атәыла Ахада кандидатурак аликааит. Ажьырныҳәа 24 рзы Апарламент аҟны имҩаԥысраны иҟоуп абри аус аганахь ала аилацәажәара", — иҳәеит Кәарҷиа.

Уаанӡа Апарламент адепутатцәа Аконституциатә ӡбарҭахь ӡбаҩцәас иалырххьан: Лиудмила Хоџьашьвили, Рауль Пантиа, Диана Ԥлиа, Нури Ҭаниа.

2014 шықәса мшаԥымза 30 рзы Аԥсны Аҳәынҭқарра Аконституциа иалагалан ариашарақәа –Аконституциатә ӡбарҭа ашьаҭаркра азыԥхьагәазҭоз.

Аԥсны азакәанԥҵара инақәыршәаны Аконституциатә ӡбарҭа аӡбаҩ 40 шықәса дреиҵамзароуп, 15 шықәса иусуратә аамҭа иартәозароуп. Аӡбаҩцәа ркандидатурақәа Апарламент аҟны ишьақәдырӷәӷәоит, русура аҿҳәарас ҳәа 15 шықәса шьақәыргыланы.

Ажәабжьқәа зегьы
0