04:33 24 Ажьырныҳәа 2018
Ишиашоу ицо аефир
Траурные мероприятия, посвященные 10-й годовщине трагедии в Беслане

Беслан ақалақь ашколқәа иахьа рышә аркуп

Евгений Биятов
Кавказ
Икьаҿу ахьарԥш аиура
3632

Сынтәа 11 шықәса ҵуеит Нхыҵ-Кавказтәи ақалақь Беслан ашкол аҟны ихлымӡааху атеракт ҟалеижьҭеи.

АҞӘА, цәыббра 1 — Sputnik, Сырма Ашәԥҳа. Цәыббра1. Нхыҵ-Уаԥстәыла, Беслан ақалақь. Ашколқәа рышәқәа аркыуп. Лахьеиқәҵаратә мшуп.

Адунеи зыршанхаз хҭысуп 2004 шықәса рзы, Нхыҵ  Уаԥстәыла, Беслан ақалақь аҟны иҟалаз ахлымӡаах. Сентиабр мза, аҵарашықәс алагамҭазы, ашкол аҟны ацәгьауцәа имҩаԥыргаз атерракт иахҟьаны, 300-ҩык инареиҳаны  аҵаҩцәеи, арҵаҩцәеи, аҭаацәеи цәгьаԥсышьа рыҭан.

"Амаалықьцәа рықалақь", абас ахьӡуп улаԥш аҟны заагара гәаӷьыуацәоу азеиԥш нышәынҭрақәа ахьыҟоу аҭыԥ.

"Сара сыҷкәынцәа рҩыцьагьы еибашьуан. Ан лхьаа закәу жәдыруеит. Аха ҳгәырҩақәа зегьы иреицәахеит Беслан ақалақь  аҿы иҵәааҵәаауа индырҵәаз ҳхәыҷкәа рхьаа. Ииашаҵәҟьаны, ажәала еиҭаҳәашьа змам хҭысуп. Ҳара ҳзы Цәыббра 1-наунагӡа имшы еиқәаҵәаны иаанхоит", — ҳәа лгәалалыршәоит Нхыҵ Уаԥстәыла инхо Наталиа Пухаева.

"Ибӷаԥҵәаган, ихамшҭыхәу хҭысны иҟалеит  2004 шықәса, аҵарашықәс алагамҭазы, Беслан ақалақь иҟалаз атрагедиа. "Амаалықьцәа рықалақь" ахьӡуп хәыҷи-дуи анышә иахьамадоу азеиԥш нышәынҭра. Сара хаҭала саҭаан избахьеит ари аҭыԥ. Зычҳара уадаҩу, угәы ҿызҵәо  хаҿсахьақәоуп иубо.  Згәыхәтәы иахьымӡаз амаалықьцәа, мчымхарыла зыԥсҭазаарақәа ҿахҵәаз", — луанытә дқәыԥсычҳауа еиҭеиҳәоит Аԥсны Жәлар Реизара адепутат Фазылбеи Аҩӡба.

Сентиабр 1 аҽны, есышықәса, Беслан ақалақь аҟны иазгәарҭоит алахьеиқәҵаратә мшы. Ашколқәа рышә аркыуп. Ахәыҷқәа рыччаԥшьи, ргәырӷьабжьи ацынхәрас,  Беслан ақалақь иалыҩуеит зычҳара уадаҩу агәынқьбжьы.

Траурные мероприятия, посвященные 10-й годовщине трагедии в Беслане
© Sputnik. Евгений Биятов
Траурные мероприятия, посвященные 10-й годовщине трагедии в Беслане

Ихадоу атемақәа