Адгәыр Арӡынба: урыстәылатәи аинвестициақәа рзы Аԥсны иреиӷьу тәылоуп

© Sputnik / Томас ТхайцукАдгур Ардзинба.
Адгур Ардзинба. - Sputnik Аҧсны
Анапаҵаҩра
Аекономика аминистр Адгәыр Арӡынба Урыстәылатәи аинвестициақәа рзы Аԥсны дыԥхьалаганы иамоу афакторқәа дрыхцәажәеит.

АҞӘА, абҵара 13 — Sputnik, Наала Аҩӡыԥҳа. Аԥсны урыстәылатәи аинвистициақәа рзы реиҳа иманшәалоу тәылоуп егьырҭ Асовет Еидгыла иалаз атәылақәа ирҿырԥшны уахәаԥшуазар. Абри аҩыза аҳәамҭа ҟаиҵеит  VI аурыс-аԥсуа усутә форум апленартә еилатәараҟны Аекономика аминистр Адгәыр Арӡынба.

"Аԥсны урыстәылатәи аинвистициақәа рзы реиҳа иманшәалоу тәылоуп, егьырҭ Асовет Еидгыла иалаз атәылақәа ирҿырԥшны уахәаԥшуазар", — иҳәеит иара.

Аминистр иажәақәа шьақәирӷәӷәеит аекономикатәи анормативтәи факторқәа рыла.

"Аԥсны Аҳәынҭқарра  азакәанԥҵарақәа зегьы аԥсшәеиԥш урысшәалагьы еиҿкаауп. Урыстәылатәи Афедерациаҟны аус зуа амааҭ Аԥсынгьы аус ауеит. Аурыс бызшәа акәзар аҳәынҭқарратә аԥсуа бызшәа инаваргыланы аҳәынҭқарратә усбарҭақәа зегьы рҟны ахархәара амоуп", — иҳәеит Арӡынба.

Уи адагьы аминистр иазгәеиҭеит Аԥсни Урыстәылеи рыбжьара наҟ-ааҟтәи аинвистициақәа ргәызҭаҵареи атауарқәа рыла ахәаахәҭра арежими рганахьала аиқәшаҳаҭрақәа напы шрыҵаҩу.

Аҟәа иаатит ацәыргақәҵа "Аԥсны-2015"

"Атауарқәа рыла ахәаахәҭра арежим азы аиқәшаҳаҭра аҳәаақәа ирҭагӡаны Аԥсны иҭрыжьуа атауарқәа зегьы урыстәылатәи аџьырмыкьахь баџьда рышьҭра ауеит", — ҳәа азгәеиҭеит Арӡынба.

VI аԥсуа-аурыс усутә форум иалахәылоуп Аԥсны  Аекономика аминистрра, Ақыҭанхамҩа аминистрра, Акурортқәеи атуризми рзы аминистрра рхаҭарнакцәа, Урыстәылатәи Афедерациа Аекономикатә ҿиара аминистрреи  Нхыҵ Кавказ аусқәа рзы Урыстәылатәи Афедерациа аминистррақәеи рхаҭарнакцәа, Ареспублика Ҭаҭарсҭан Аекономика аминистрра ахаҭарнакцәа иара убасгьы  Урыстәылатәи Афедерациа  асубиектқәа рхадацәақәак. Иааизакны 300-ҩык инарзынаԥшуа.

Ажәабжьқәа зегьы
0