Аҵла аихамҩа иахьақәҳаз иахҟьаны Шәача адәыӷбақәа 9 рныҟәара аанкылоуп

© Sputnik / Владимир Песня / Амедиаҵәахырҭахь аиасраВид из вагона поезда "Москва - Адлер". Архивное фото.
Вид из вагона поезда Москва - Адлер. Архивное фото. - Sputnik Аҧсны
Анапаҵаҩра
Ԥхынгәы 28 рзы, Нхыҵ-Кавказтәи аихамҩа Краснодартәи арегион Шәача-Мацесҭа иахьаҵанакуа ахәҭаҟны аҵла каҳаит. Апассаџьыртә дәыӷбақәа рныҟәара аанкылахеит 50 минуҭ инарзынаԥшуа.

АҞӘА, ԥхынгәы 28 — Sputnik. Адәыӷбақәа 9, ақалақьамҵа-бжьаратәиқәа 4 уахь иналаҵаны, аҩаша ашьыжь Шәача араион аҟны икаҳаз аҵла иахҟьаны рныҟәара еиԥҟьахеит ҳәа аанацҳауеит Нхыҵ-Кавказтәи аихамҩа.

Ахҭыс ҟалеит ԥхынгәы 28, ашьыжь, 07.45 мин. Рзы, Нхыҵ-Кавказтәи аихамҩа Краснодартәи арегион Шәача-Мацесҭа иахьаҵанакуа ахәҭаҟны.

"Аамҭала адәыӷбақәа рныҟәара аанкылан аҵла аихамҩа иахьақәҳаз инамаданы. Еихшоу амҩа аган аҟны аимадаратә ҳа аԥхасҭа аҭан, еихымшоу амҩа агабарит акәзаргьы аԥхасҭа аҭан. Аихамҩаусзуҩцәа ирылшо зегь ҟарҵоит иаарласны аихамҩеимадара ашьақәыргыларазы. Иеихымшоу амҩа аган ала аныҟәара шьақәдыргылеит 08.37 мин. рзы", — ҳәа аҳәоит аацҳамҭаҟны.

Абри ахҭыс инамаданы рныҟәара аанкылан апассаџьыртә дәыӷбақәа (№643 Кисловодск-Адлер, №641 Адлер-Ростов, №346 Адлер-Екатиренбург, №550 Адлер-Тольиатти, №467 Смоленск-Адлер) иара убасгьы (№6103 Шәача- Роза Хутор. №6003 Шәача-Аеропорт, №6102 Роза Хутор-Шәача, №6803 Ҭҟәаԥс-Олимпиатәи апарк).

Бжьаратәла адәыӷбақәа рныҟәара аанкылан 50 минуҭ инарзынаԥшуа.

Адәыӷбақәа рныҟәаразы адыррақәа роура алшоит Иаку амаҵзуратә информациатә центр аҭел ала (8 800 775 00 00). Урыстәыла иарбанызаалак аҭыԥ аҟынтәи хәыда-ԥсада аҭел асра алшоит.

Ажәабжьқәа зегьы
0