Sputnik аҳәарала ахеилак ICM Research имҩаԥнагаз азҵаара иаанарԥшит афроамериканцәа 33% заҵәык роуп аполициа аусура иаҳа иеффективтәуп ҳәа зҳәаз. Еиду Америкатә Штатқәа ирықәынхо зцәа шкәакәоу рҟынтә аполициа агәра зго 17% рыла иаҳа еиҳауп. Зегь реиҳа аполициа аусура ргәалаҟоуп азиатәи ахылҵшьҭра змоу америка ауаажәлар – азинеиҿкааратә усбарҭақәа зегь раасҭа ажәлар шырыхьчо иаразнак иақәшаҳаҭхеит изызҵааз 55%.
Америка иқәынхо ауаажәлар рҟынтә еиҳарак афроамериканцәа апрограмма "Згәы зҽану агәыла" иадгылоуп (атәыла аҟны 19% иаҿагылоуп 7%), уи апрограмма ала рхатә раионқәа рыҟны аиҿкааратә усқәа рымҩаԥгараан ауаажәлар рҟынтә ацхыраара арбоуп. Америка Аконституциа Азинқәа рзы аҩбатәи арҽеира аҟны ишарбо ала, ухатә абџьар ахархәареи аҵәахреи азин умоуп, уи араса ахаҭарнакцәа уи аҩыза агәаҳәара рымаӡам – уи иақәгәыӷуа изызҵааз 16% роуп.
