18:18 20 Абҵара 2017
Аҟәа+ 21°C
Ишиашоу ицо аефир
Конституция РА.

Аԥсны Аконституциа 20 шықәса ахыҵит

© Sputnik. Илона Хварцкия
Ажәабжьқәа
Икьаҿу ахьарԥш аиура
19 0 0

20 шықәса раԥхьа абҵара 26 аҽны Аԥсны Иреиҳаӡоу Асовет иаднакылеит Аконституциа.

АҞӘА, абҵ 26 – Sputnik.   Абҵара 26, 1994 шықәсазы Аԥсны Иреиҳаӡоу Асовет аилатәара иаднакылеит ихадоу азакәан — Аԥсны Аҳәынҭқарра Аконституциа.

Аконституциа анрыдыркылоз аамҭа акыр ихьанҭан. Аԥсны Аџьынџьтәылатә еибашьра анеилга адырҩашықәса акәын. Зхы иақәиҭу ихьыԥшыму Аҳәынҭқарра ҿыц адокумент ҿыц аҭахын, Аԥсны аҿиара ашьаҭа зырӷәӷәоз, аизҳазыӷьаразы аҭагылазаашьа азҭоз.

Адунеи атәылақәа аԥсуа-ақырҭуатә еибашьраҿы ақәылаҩ идгылеит. Урыстәыла аганахь ала усҟантәи аамҭазы азхаҵара азҵаара ықәгыламызт.
Акорреспондет Наала Аҩӡҧҳа диҿцәажәеит 1994 шықәсазы Аԥсны Иреиҳаӡоу Асовет Ахада актәи ихаҭыҧуаҩс аус зуаз Станислав Лакоба. Уи иҳәеит усҟантәи аамҭа акыр ишыцәгьаз. Аҭагылазаашьа аруадаҩуан Чечентәыла ицоз ахҭысқәа.

"Усҟан, Ельцин иаамҭазы, ҳара даҽакала иҳахәаԥшуан. Ауадаҩрақәа даара ирацәан. Кавказ имҩаԥысуаз ахҭысқәа ирымаданы, Шеварнаӡе, Аԥсны Урыстәыла иаҿагыло мчык аҳасабала иааирԥшыр иҭахын. Абас иҟаз аҭагылазаашьазы ауп Аконституциа шҳадаҳкылаз. Абҵара 26 аҽны аизара мҩаԥаагеит, зҵаара хадасгьы иқәгылан Аконституциа адкылара, насгьы апрезиденттә напхгара аформахь аиасра", — иҳәеит Лакоба.

Мшаԥымза 1994 шықәсазы Москва, Аԥсни Қырҭтәылеи рнапы аҵарыҩҩит азҵаарақәа зегьы аполитикатә хархәагақәа рыла аӡбаразы аиқәшаҳаҭра.
"Адунеи ауаажәларра аконфликт аӡбаразы ирымаз алшарақәа рхы иадырхәеит, аха ирылымшеит аҭагылазаашьа аиӷьтәра. Ажәытә конституциала адунеи ауаажәларри ҳареи ҳаизыҟазаашьақәа рыргылара ауамызт, ҳхатәы Конституциа ҳадаҳкылар акәын", — иҳәеит 1994 шықәсазы Жәлар Реизара адепутатс иҟаз Олег Дамениа.

Станислав Лакоба иажәақәа рыла, Аконституциа адкылара зегь ақәшаҳаҭымхеит, аӡәык-ҩыџьак абжьыҭираҿ рҽааныркылеит.
"Аха уи адкылараҿы иҟаз ауадаҩрақәа Владислав Арӡынба риааира илшеит. Убас, Аԥсны Аҳәынҭқарразы аҭоурыхтә ҵак ду змоу Аконституциа ҳадаҳкылеит", — азгәеиҭеит Лакоба.

Ари ашьаҿа иахҟьаны Урыстәыла хара имгакәа Аԥсны аекономикатә блокада азнауеит.
Станислав Лакоба игәаанагарала, Аконситуциа иабзоураны Аԥсны Аҳәынҭқарра аиқәырхареи аҿиареи алыршахеит.

Ихадоу атемақәа