Инесса Арышԥҳа 15 шықәса ҵуеит азанааҭ ҿыц лнапаҿы иаалгеижьҭеи. Уи лажәақәа рыла, уи ахаан лхахьы имнеицызт ачаӡырҭаҿы аусура далагоит ҳәа. Аха ари азанааҭ аҿы даннеи бзиа илбеит, лусура ԥсахрагьы дашьҭам. Инесса иазгәалҭеит 15 шықәса рыла ачаӡырҭаҿы аусура аҽшаԥсахыз.
"Раԥхьа иҟаҳҵоз зегьы напыла иҟаҳҵон. Аӡәы амажәа лкәаҳауан, аҽаӡәы еиҵылхуан, нас ишаны акапанга иақәаҳҵон. Иаҳкапануан. Урҭ зегьы аамҭа ргон. Уажәы атехника бзиа ҳамоуп. Иароуп зегь ҟазҵо, ҳара – ҳацхырааҩцәоуп. Ҳәарада уи ҳус армариоит, иарманшәалоит", — лҳәеит уи.
Инесса аус ахьылуа ачаӡырҭаҿы ԥшь-хкык ача рӡуеит.
1/10
© Sputnik / Илона Хварцкия
Ачаӡра етап-етапла имҩаԥаагоит. Аԥхьа ачашыла рхәуеит, амажәа ркәаҳауеит нас амажәа ашарҭахь инашьҭны еиҟароу ахәҭақәа рыла иршоит. Абри ашьҭахь ачаӡыҩцәа амажәа иҷыдоу аформақәа ирҭарҵоит. Аформақәа аӡырҭахь инарышьҭуеит. Сааҭыбжак ашьҭахь зыфҩы лаҳа-лаҳауа ачаԥха роуеит.
2/10
© Sputnik / Илона Хварцкия
Ачаӡра иалагоит амажәа акәаҳарала. Иахьа уи напыла иркәаҳаӡом, иҟоуп иҷыдоу атехника.
3/10
© Sputnik / Илона Хварцкия
Ихиоу амажәа ашарҭахь инарышьҭуеит, уа уи еиҟара-еиҟараны иашоит.
4/10
© Sputnik / Илона Хварцкия
Ачаӡыҩцәа амажәа ашарҭаҟынтәи ироуеит. Амажәа зқәырҵо ӡыла идырбааӡоит, иқәымҷабырц азы.
5/10
© Sputnik / Илона Хварцкия
Ачаӡырҭаҟны аусура адинамикатә ҟазшьа амоуп.
6/10
© Sputnik / Илона Хварцкия
Ачаӡҩы аформақәа зықәгылоу авогонеткақәа неишьҭуеит икапану амажәа ахьыҟоу ахь.
7/10
© Sputnik / Илона Хварцкия
Аусуҩцәа амажәа аформақәа ирҭарҵоит, аамҭақәак ус иаанрыжьуеит ачразы, нас ачаӡырҭахь ирышьҭуеит.
8/10
© Sputnik / Илона Хварцкия
Ача сааҭыбжак еиҵамкәа ирӡуеит.
9/10
© Sputnik / Илона Хварцкия
Авагонеткақәа ирықәуп аҿыцӡыра ча.
10/10
© Sputnik / Илона Хварцкия
Аҿыцӡыра ча аахәаҩцәа бзиа ибаны иаархәоит.
