23:32 20 Ажьырныҳәа 2018
Ишиашоу ицо аефир
Венесуела. Архивтә фото.

Венесуелеи Аԥсни аиҩызаратә еизыҟазаашьақәа рзы ихиоуп

© Sputnik. Владимир Песня
Аполитика
Икьаҿу ахьарԥш аиура
610

Аԥсны Аҳәынҭқарра адәныҟатәи аусқәа рминистр ихаҭыԥуаҩ Олег Аршба Боливариантәи Ареспублика Венесуела даҭааны дыҟоуп ҳәа аанацҳауеит Аԥсны адәныҟатәи аусқәа рминистрра.

АҞӘА, жәб 27 – Sputnik. Венесуела Адәныҟатәи аусқәа рминистр Дельси Родригес иазгәеиҭеит, Венесуела Аԥсны Аҳәынҭқарра иаҩызахарц азы аизыҟазаашьақәа рырҿиара ишаҿу. Аиҩызаратә еизыҟазаашьақәа рышьақәыргылара Уго Чавес ихаан иалагахьан, иахьатәи Венесуела ахада Николас Мадуро уи аус иациҵоит, абри атәы аанацҳауеит Аԥсны Адәныҟатәи аусқәа рминистрра.

"Венесуела аиҳабыра азхиоуп Уго Чавес иполитика ацҵара, ахақәиҭреи ахьыԥшымреи рзы иқәԥо атәылақәа адгылара шрынаҭац ирынаҭалоит. Аԥсни Венесуелеи ирыбжьоу аиҩызаратә еизыҟазаашьақәа аҵак ду рымоуп", – азгәарҭеит аминистрра аҟны.

Дельси Родригес иазгәеиҭеит венесуелатәи аган иалшо зегь шыҟанаҵо Аԥсны Аҳәынҭқарреи Латинатәи Америкеи, Карибтәи абассеин егьырҭ атәылақәеи рыбжьара аиҩызаратә еизыҿазаашьақәа рырҿиара ацхрааразы.

Аԥсны Адәныҟатәи Аусқәа Рминистрраҟны иазгәарҭеит Венесуела Аԥсны ацҳаражәҳәарҭа аусзуҩцәа рырдырра шымҩаԥысыз ацҳааржәҳәаҩ иабжьагаҩ Алиас Аиба иара убас амаӡаныҟгаҩ хада Тимур Рекәаа, уаанӡа Аԥсны Аҳәынҭқарра Адәныҟатәи Аусқәа Рминистрра аппарат хада адипломатиатә маҵзураҟны аус зуаз.

Аминистр ихаҭыԥуаҩ Венесуела дахьынӡаҟаз уи атәыла адныҟатәи аусқәа рминистр Делси Родригиси иареи еиқәшәеит, аиԥылараҿы аҩ-ганк еиҳа ихадоу азҵаарақәа ирылацәажәеит, иара убас Венесуела аҳәынҭқарратә мчра ахаҭарнакцәеи иареи еиқәшәеит.

Ихадоу атемақәа